Emma (romano)
Emma estas la kvara publikigita romano de Jane Austen, nome pri junula aroganteco kaj romantismaj miskomprenoj.
| Emma | |
|---|---|
| |
| literatura verko | |
| Aŭtoroj | |
| Aŭtoro | Jane Austen |
| Lingvoj | |
| Lingvo | angla lingvo |
| Eldonado | |
| Eldondato | 23-a de decembro 1815 |
| Eldonejo | John Murray |
| Ĝenro | amafera fikcio |
| Loko de rakonto | Suda Anglio |
Priskribo redakti
La agado okazas en fikcia kamparvilaĝo Highbury kaj ĉirkaŭaj bienoj Hartfield, Randalls kaj Abatejo Donwell, kaj temas pri la rilatoj inter anoj de malgranda nombro de familioj.[1] La romano estis por la unua fojo publikigita en Decembro 1815, kun titolpaĝo listanta publikigan daton de 1816. Kiel en siaj aliaj romanoj, Austen esploras aferojn kaj malfacilojn de meznobelaj virinoj vivantaj en Anglio en la epokoj Georgia kaj Regenteca. Emma estas komedio ĝenrisma, kaj priskribas temojn pri geedzeco, sekso, aĝo, kaj socia statuso.
Emma, verkita post la translokiĝo de Austen al Chawton, estis ŝia lasta romano publikigita dum sia vivodaŭro,[2] dum Persuasion, la lasta romano kiun Austen verkis, estis publikigita postmorte.
Tiu romano estis adaptita por kelkaj filmoj, multaj televidprogramoj, kaj longa listo de teatraj ludoj.
Intrigo redakti
Emma Woodhouse estas junulino entuziasma pri amaferaj aranĝoj de konatuloj, dum forgesas pri si mem. Kiam ŝia amikino kaj hejmtutorino Srino. Taylor geedziĝas, ŝi restas sola kaj fiera, ke ŝia interveno solvas la vivon de la aliuloj. Tiukadre ŝi klopodas edzinigi sian amikinon Harriet Smith kun pastro Elton, kiu rezultas socia grimpulo kaj aroganto, krom kandidato por la propra Emma. Aperas tre diversaj roluloj kiuj teksas inter si diversajn interplektitajn rilatojn. Ekde la komenco, nur Knightley, najbaro kaj bobofrato de Emma, kuraĝis kritiki ŝin, kaj kvankam pli aĝa ol Emma, li amas ŝin.
Kritikaj eldonoj redakti
- Jane Austen, Emma (Wordsworth Classics, 2000), eld. Nicola Bradbury, (ISBN 978-1853260285)
- Jane Austen, Emma (eld James Kingsley); enkonduko kaj notoj de Adela Pinch; apendicoj de Vivien Jones; serio: Oxford World Classics (OUP 1998, 2003, reiss 2008); (ISBN 978-0-19-953552-1)
Vidu ankaŭ redakti
- Filmo Emma (1996)
- Filmo Emma (2020)
Notoj redakti
- ↑ Austen-Leigh, William and Richard Arthur. (1965) Jane Austen: Her Life and Letters. Nov-Jorko: Russell and Russell, p. 237.
- ↑ Burrows, John Frederick Burrows. (1968) Jane Austen's Emma. Australia: Sydney University Press, p. 7.
Bibliografio redakti
- Cano, Marina (2017). Jane Austen and Performance. Cham, Switzerland: Palgrave Macmillan. Speciale Chapter 5 "Re-inscribing Emma". (ISBN 978-3-319-43987-7).
Eksteraj ligiloj redakti
- Emma en Standard Ebooks
- Verkoj de Emma (romano) ĉe Projekto Gutenberg
- Emma Mapo Arkivigite je 2019-09-10 per la retarkivo Wayback Machine