Esprimo de sentoj en Esperanto

Esprimo de sentoj en Esperanto
Aŭtoro	Edmond Privat
Eldonjaro	1931
Urbo	Ĝenevo
Eldoninto	UEA
Paĝoj	67 (56)
ISBN	90 805651 1 3
	v • d • r

Esprimo de sentoj en Esperanto ^[1] estas libreto verkita de Edmond Privat pri la stilistiko de Esperanto. Ĝi resumas kurson faritan ĉe la Universitato de Ĝenevo dum la jaroj 1929 kaj 1930. Ĝi aperis libroforme en 1931, eldonita de Universala Esperanto-Asocio en Ĝenevo. Sekvis eldonoj en 1935, 1957 kaj 1980. La kvina eldono aperis en la jaro 2000 ĉe Internacia Esperanto-Instituto en Hago.

Privat mem estis majstro de flua, facile komprenebla stilo, do Esprimo de sentoj fariĝis klasika kaj populara verko pri la temo.

RecenzojRedakti

„ La ĉarmaspekta libreto enhavas la materialon de la kurso kiun Privat faris ĉe la Universitato de Ĝenevo. La temo estas unika kaj ekstreme interesa. La enkonduka parto pritraktas la gramatikan skeleton de Esperanto kompare al la naturaj lingvoj, diferencigas ĝiajn dudirektajn evolu-eblaĵojn : la siateman internan konstruiĝon kaj la reageman asimilan forton al la fremdaj elementoj; frape ĝi demonstras ke la regulo de nia lingvo kompare al la pli formriĉaj gepatraj lingvoj ne kunportas ian malriĉigan ligitecon ĉar kion ni perdis ĉe la formoj, ni abunde regajnas per nia elasta esprimpovo.
La ĉefan parton de l' libro okupas sprita analizo de nia lingvo uzata en la vivo, precipe serĉante la esprimmanierojn de l' sentoj. Tion oni devas legi# La problemoj svarmas antaŭ ni, la afiksoj manifestas sian propran mistikan vivon, jen mortintaj, jen aliforme reenkarniĝintaj. Estas nur bedaŭre ke la libro estas tro rapida skizo, ke la problemoj estas nur rapide tuŝataj sed klarigas ke anstataŭ pli detala studo la libro enhavas nur la materialon de kelkaj kursaj prelegoj.
Tiu libro apartenas al la malmultaj pensigaj libroj de nia lingva literaturo. ”

— 1931, Totsche Lajos, Literatura Mondo, paĝo 159; Historio de Esperanto, II, paĝo 729

Bibliografiaj indikojRedakti

Edmond Privat: Esprimo de sentoj en Esperanto. Genève: UEA, 1931. 61 p.
Pliaj eldonoj^{[rompita ligilo]} en la serĉilo TROVANTO Arkivigite je 2005-09-08 per la retarkivo Wayback Machine de la Aŭstria Nacia Biblioteko, Kolekto por Planlingvoj.