Ĝermolisto de rumanaj esperantistoj

Tiu ĉi paĝo listigas ĝermajn informojn pri rumanaj esperantistoj. Movu mallongajn informojn pri rumanaj esperantistoj en tiun ĉi paĝon metante alidirektilon.
Se vi volus partigi informon en apartan artikolon, aldonu informojn tiel ke minimume estu tri plenaj frazoj, prefere pli, nepre estu ĝustaj kategorioj, almenaŭ kategorio:rumanaj esperantistoj, kaj laŭeble ankaŭ uziĝu la ŝablonoj {{Informkesto homo}} kaj {{vivtempo}}. Post kreo de aparta artikolo forigu la informon de ĉi tie.
Ekzistas pli plena listo de rumanaj esperantistoj, en kiu listiĝu la nomoj de rumanaj esperantistoj aŭ menciataj ĉi tie aŭ per propra biografia artikolo.

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

C

Speranța-Eugenia Corâciu

Speranța-Eugenia CORÂCIU (1937–2002) estis delegito kaj fakdelegito en Turda, Rumanio; mortis komence de 2002.

F

Petro Firu

Petro FIRU, pseŭdonimo de Henriko RABINOVICI, rumano, arkitekto. Naskita je la 10-a de julio 1907 en București. Esperantisto de 1924. Liaj tradukoj el la rumana literaturo aperis en diversaj Esperanto-gazetoj (1928–1932); en kunlaboro kun Pragano aperis de li en libroformo: Rumana Bonhumoro, 1932. Verkis la unuan rumanan-Esperantan vortaron, 1932. EdE-F

Marta Frollo

Marta FROLLO, rumanino. Mortis kiel monaĥino. E-isto de 1889, kiam verkis vortareton, la unuan rumanan E-presaĵon.

K

Saul Kimel

Saul KIMEL (1875-1930) estis rumana esperantisto kaj kuracisto. Esperantistiĝis en 1907. Kunfondinto de RES, gvidis la unuan publikan kurson en București, 1907, verkis la unuan rumanan lernolibron, 1908.

__ Verko:

Curs complect si practic pentru invâtarea limbii Esperanto in putine lectiuni. Eld. Edituri Esperantista Româna, Galatz, 1908 (18X11) VIII+124 paĝoj, 2 volumoj.

„ Tiu verko pritraktas, kiel la titolo montras, la plenan gramatikon de Esperanto. Ĝi estas verkita laŭ la plano de "L'Esperanto en dix leçons", sed estas iom pli ampleksa. El la esperanta parto de la libro mi ekvidis, ke la multnombraj ekzercoj estas bone elektitaj. La reguloj, rumane esprimitaj, estas klarigitaj de multaj, tre taŭgaj ekzemploj. La libro enhavas plie malgrandan krestomation kaj vortareton esperanta-rumana. ”

— Belga Esperantisto n.13 (nov 1909)

M

George Mahalu

George MAHALU esperantistiĝis en 1971. Fondinto de A.S.T.R.O.(asocio de sindikataj tutmondaj rondoj kaj organizoj) en Kineskopa Entrepreno București kaj la unua prezidanto de ESPEMONT (esperanto-turismo rondo) en 1985 București kaj Ploiești. Militanto por esperantistaj rajtoj antaŭ 1989.

S

George Savopol

George SAVOPOL estis rumana armea kapitano kaj esperantisto. Li mortis en 1916 kadre de la Unua Mondmilito, okaze de pulveja eksplodo en Bukareŝto. Esperantisto ekde 1906, li laboris multe por Esperanto kaj interalie estis vicprezidanto de Rumana Esperanto-Societo.

V

Paul Vatarescu

Paul Vatarescu, licea instruisto, estis esperantisto en Oltenita ĉe la mezo de 20-a jarcento^[1].

Marian Vochin

Marian VOCHIN (naskiĝis la 7-an de junio 1950) estas rumana esperantisto. Li lernis Esperanton en 1967, loĝas en Bukareŝto kaj tie funkcias kiel vicdelegito de UEA.

tre kritika artikolo de Marian Vochin pri la Bulgara Esperanto-Kongreso de majo 2015 esperante

Referencoj

↑ Der Esperantist n.09-10 dec. 1966

[1] Der Esperantist n.09-10 dec. 1966

[1]