Flavgorĝuloj
La flavgorĝuloj estas birdoj de la familio de Paruliedoj kaj de la genro Geothlypis. Plej parto de membroj de la grupo havas limigitajn teritoriojn en Meksiko kaj Centrameriko, sed la Maskoparulio havas pli etendan en Sudameriko distribuadon, kaj la Flavgorĝulo, la ununura migranta specio en la grupo, reproduktiĝas ĉe multe de Nordameriko.
 | ||||||||||||
|---|---|---|---|---|---|---|---|---|---|---|---|---|
 Flavgorĝulo, masklo
| ||||||||||||
| Biologia klasado | ||||||||||||
| ||||||||||||
Aliaj Vikimediaj projektoj
| ||||||||||||
Ĉiuj flavgorĝuloj havas tre similajn plumarojn, kun flavverdecaj supraj partoj, tre flava brusto, kaj kutime nigra beko. Maskla plenkreskulo havas nigran maskovizaĝon de varia etendo, kutime bordata supre de griza strio. La ino estas simila, sed ne havas la nigran maskon, kaj povas esti pli senkolora laŭ plumaro.
La reprodukta habitato de tiuj paruliedoj estas tipe marĉoj kaj aliaj humidaj areoj kun densa malalta vegetaĵaro. La ovoj, du ĉe plej parto de specioj, sed ĝis 5 ĉe la Komuna flavgorĝulo, estas demetitaj en kovrita tasforma nesto malalte en herbo aŭ malalta vegetaĵaro.
Flavgorĝuloj estas kutime vidataj en paroj, kaj ne asociiĝas kun aliaj specioj. Ili estas ofte kaŝemaj kaj manĝas ampleksan gamon de insektoj.
La taksonomio kaj nomigo de tiuj tre proksime rilataj specioj estas tre komplika, kaj foje malfacile eblas difini kiujn formojn meritas specistatuson. Ekzemple la Komuna flavgorĝulo, la Beldinga flavgorĝulo, la Altamira flavgorĝulo kaj la Bahama flavgorĝulo estas foje konsiderataj samspecifaj. Male la Maskoparulio povas esti disigata en tri aŭ eĉ kvar specioj. Krome ĉar plumaroj estas tiom similaj inter ĉiuj specioj la nomoj de Flavgorĝulo aŭ Maskoparulio taŭgus por ĉiu ajn specio.
La geografia izoleco de la diversaj populacioj de tiu grupo ĉefe de loĝantaj birdoj estas kialo por genetika diverĝo kaj speciigo. Tiu procezo povas esti vidata ekzemple kaze de la Maskoparulio, kie la subspecioj estas separataj pere de pluvarbaroj aŭ la Andoj, kio kaŭzis disvolviĝon de distingaj formoj, kiaj la centramerika raso Geothlypis aequinoctialis chiriquensis. Tiu formo troviĝas en la altaj teroj de Kostariko kaj okcidenta Panamo, kaj estas separata je 1000 km el ĝiaj sudamerikaj kuzoj, el kiuj ili diferencas laŭ grando, aspekto kaj voĉo.
Specioj
redakti- Komuna flavgorĝulo aŭ simple Flavgorĝulo, Geothlypis trichas
- Beldinga flavgorĝulo aŭ Beldinga parulio, Geothlypis beldingi
- Altamira flavgorĝulo aŭ Altamira parulio, Geothlypis flavovelata
- Bahama flavgorĝulo aŭ Bahama parulio, Geothlypis rostrata
- Novprovidenca flavgorĝulo, Geothlypis rostrata rostrata (formortinta: 1990aj?)
- Olivkrona flavgorĝulo aŭ Olivkrona parulio, Geothlypis semiflava
- Meksika flavgorĝulo aŭ Meksika parulio, Geothlypis speciosa
- Maskoparulio, Geothlypis aequinoctialis
- Suda flavgorĝulo, Geothlypis (aequinoctialis) velata
- Nigrabrida flavgorĝulo, Geothlypis (aequinoctialis) auriculata
- Ĉirikia flavgorĝulo, Geothlypis (aequinoctialis) chiriquensis
- Grizkrona flavgorĝulo aŭ Grizkrona parulio, Geothlypis poliocephala
- Nelsona flavgorĝulo aŭ Nelsona parulio, Geothlypis nelsoni
Referencoj
redakti- Curson, Quinn kaj Beadle, New World Warblers ISBN 0-7136-3932-6
- ffrench, Richard. (1991) A Guide to the Birds of Trinidad and Tobago, 2‑a eldono, Comstock Publishing. ISBN 0-8014-9792-2.
- Hilty, Birds of Venezuela ISBN 0-7136-6418-5
- Stiles and Skutch, A guide to the birds of Costa Rica ISBN 0-8014-9600-4
