Gistopasto
Gistopasto estas pasto farita el faruno akvo kaj gisto. Depende de la intencita bakaĵo oni krome uzas pliajn aldonaĵojn (ekzemple salon, sukeron, lakton, grasaĵon, ovojn aŭ fruktojn). Por diversaj produktoj necesas diversaj daŭro, temperaturo kaj likvaĵkvanto por la fermentado.
Ankaŭ la bakado varias: kelkaj gistobakaĵoj estas bakataj en la fornelo aŭ fritita en graso, aliaj kuiriĝas en vaporo aŭ varmega akvo.
Tipaj bakaĵoj el gistopasto estas bulketulo, benjeto, breco aŭ buterkuko. Krome gistopasto estas uzata ekzemple por (tritika) pano, bulko, pico.
