- La mallongigo GL en Haslen GL staras por la svisa Kantono Glaruso. Por aliaj signifoj de la nomo vidu sub Haslen.

Haslen estis ĝis la 31-a de decembro 2010 politika komunumo en Kantono Glaruso, en Centra Svislando. Ĝi havis 1021 loĝantojn je la 31-a de decembro 2008. Kun efiko de la 1-a de januaro 2011 la komunumo Haslen estis integrita al la nova komunumo Glaruso Sudo.

Haslen
Blazono de Haslen
Blazono de Haslen
Haslen
Haslen
vilaĝo • former municipality of Switzerland
Kantono Glaruso
Komunumo(j) Glaruso Sudo
Geografia situo CH1903: 722949 / 204604 (mapo)46.9811111111119.0547222222222Koordinatoj: 46° 59′ N, 9° 3′ O; CH1903: 722949 / 204604 (mapo) f1

Map

Nombro de loĝantoj 1021
Areo 11,51 km²
Alteco 586 m super marnivelo
Poŝtkodo 8773
Mapo de Haslen
Mapo de Haslen
vdr

Geografio redakti

Haslen situas en la supra parto de la Linth-Valo en la mezo inter Glaruso kaj Linthal. Al la iama komunumo apartenas krom Haslen mem la setlejoj Büel, Leu, Oberhaslen, Mülibächli, kaj Zusingen, kaj ek de la 1-a de julio la ĝis tiam memstaraj komunumoj Leuggelbach kaj Nidfurn.

La teritorio de la iama komunumo etendiĝas sur areo de 11,51 km², de kiuj 43,9% estas kovritaj de arbaro, 45,5% servas por agrikulturo kaj 2,8% por setlado.

Najbaraj komunumoj ĝis la komunuma reformo redakti

La komunumo Haslen limis en nordo kaj oriento al Schwanden, kaj en sudo kaj oriento al Luchsingen.

Trafiko redakti

La loko disponas pri la stacidomo Nidfurn-Haslen ĉe la trajnlinio de Rapperswil tra Glaruso al Linthal.

Tra Nidfurn pasas la kantona ĉefvojo n-ro 17, kiu de Glaruso kondukas tra la Klausen-Pasejo al Altdorf en Kantono Urio, Haslen mem situas flanke de la kantona ĉefvojo kaj atingeblas nur per mallarĝa flankvojo.

Historio redakti

La unua dokumenta mencio de Haslen datiĝas el la jaro 1350 kiel Hasla.

Fine de la 14-a jarcento en Haslen naskiĝis Rudolf Stüssi, kiu dum la Malnova Zurika Milito estis urbestro de Zuriko, kaj mortis la 22-an de julio dum la Batalo de Sankt-Jakobo ĉe Sihl defendante la tirponton antaŭ la urbopordo de Zuriko. Lia naskiĝodomo viziteblas en Zusingen.

Kun efiko de la 1-a de julio 2006 la ĝis tiam aŭtonomaj komunumoj Leuggelbach kaj Nidfurn estis kunigitaj kun Haslen.

Kun efiko de la 1-a de januaro 2011 la komunumoj Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi, kaj Sool estis surbaze de la glarusa komunumreformo kunigitaj al la nova komunumo Glaruso Sudo.

Vidu ankaŭ redakti

Eksteraj ligiloj redakti

Bildoj redakti