Horní Planá

Horní Planá (germane Oberplan) estas urbo en Ĉeĥio situanta en Sudbohemia regiono, en distrikto Český Krumlov, en montaro Šumava sur norda (maldekstra) bordo de akva rezervujo Lipno. Ĝi troviĝas en dislimejo de Vltavica sulko kaj Želnava montetaro, sur deklivo de monto Houbový vrch – en supermara alteco 776 m kaj ĝi estas plej alte situanta urbo en Sudbohemia regiono. Vivas ĉi tie 1 980 loĝantoj (2024). Horní Planá estas unu el municipoj kun la plej granda teritorio (la 6-a loko).

Horní Planá
germane Oberplan
urbo
Horní Planá
Flago Blazono
Oficiala nomo: Horní Planá
Ŝtato	Ĉeĥio
Regiono	Sudbohemia regiono
Distrikto	Distrikto Český Krumlov
Administra municipo	Horní Planá
Historia regiono	Bohemio
Parto de	PPR Šumava
Montaro	Šumava, Šumava cismontaro
Akva rezervujo	Akva rezervujo Lipno
Rivero	Vultavo
Situo	Horní Planá
- alteco	776 m s. m.
- koordinatoj	48° 46′ 03″ N 14° 01′ 57″ O (mapo)
Areo	127,17 km² (12 717 ha)
Loĝantaro	1 980 (2024)
Denseco	15,57 loĝ./km²
Horzono	MET (UTC+1)
- somera tempo	MET (UTC+2)
Poŝtkodo	382 26
NUTS 3	CZ031
NUTS 4	CZ0312
NUTS 5	CZ0312 545511
Katastraj teritorioj	6
Partoj de urbo	8
Bazaj setlejunuoj	15
Situo enkadre de Ĉeĥio Situo enkadre de Ĉeĥio
Vikimedia Komunejo: Horní Planá
Retpaĝo: www.horniplana.cz
Portalo pri Ĉeĥio

La najbaraj municipoj de la setlejo estas Nová Pec, Černá v Pošumaví kaj Armea spaco Boletice.

Historio

Arkeologiaj trovaĵoj pruvas ĉeeston de homo jam en mezolitiko. El bavaria Passau kondukis tra aŭstria Klaffer am Hochficht du branĉoj de komerca pado ĝis Horní Planá, tra unua montoselo inter Plechý kaj Hochficht (ĉeĥe Smrčina) kaj la alia tra Zvonkova montpasejo. El Horní Planá poste la pado daŭrigis tra Hodňov kaj Polná al Boletice.

Jam en la 13-a jarcento estis en Horní Planá preĝejo - preĝejo de sanktaMargareto havas romanikan krnon el la dua kvarono de la 13-a jarcento. La municipo estis fondita fare de cistercianoj el Monaĥejo Zlatá Koruna. En la jaro 1349 Horní Planá estis Sankta Romia Imperiestro kaj ĉeĥa reĝo Karolo a 4-a laŭ peto de tiu ĉi monaĥejo avancita al kampurbo. Dum husmilitoj Horní Planá venis al senjorujo Český Krumlov kaj restis ĉe ĝi ĝis nuligo de servuteco. En la jaroj 1845-1846 estis konstruita ŝoseo el Horní Planá tra Bližší Lhota ĝis Zvonková kaj plu l landa limo, kie ĝi ligis al ŝoseo el Ulrichsberg. En la jaroj 1891-1892 Horní Planá estis konektigita en fervojreton.

En 1950-aj jaroj pereis en la nuna rondo de la municipo tiuj ĉi setlejoj: Huťský Dvůr, Josefův Důl, Staré Hutě, Zadní Zvonková.

En la jaroj 1952-1958 estis konstruita akva rezervujo Lipno, pro kiu estis detruita devena domaro Jenišov; ponto en Bližší Lhota estis deŝirita kaj anstataŭigita de pramejo; la fervojlinio estis transmetita kaj en Horní Planá estis konstruita nova stacidomo.

Lokaj partoj

• Bližší Lhota (k. t. Pestřice kaj Zvonková)
• Hodňov (k. t. Horní Planá)
• Horní Planá (katastra teritorio (k. t.) Horní Planá, Houbový Vrch kaj Maňávka u Českého Krumlova)
• Hory (k. t. Pernek)
• Hůrka (k. t. Horní Planá)
• Olšina (k. t. Horní Planá)
• Pernek (k. t. Pernek)
• Žlábek (k. t. Horní Planá)

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	6 105
1880	7 053
1890	7 284
1900	7 645
1910	7 470
1921	7 044

Jaro	Loĝantoj
1930	6 624
1950	2 268
1961	1 926
1970	1 967
1980	2 130
1991	2 302

Jaro	Loĝantoj
2001	2 293
2014	2 145
2016	2 114
2017	2 078
2018	2 098
2019	2 088

Jaro	Loĝantoj
2020	2 080
2021	2 009
2022	1 993
2023	2 006
2024	1 980

Personecoj

• Mathias Pangerl (1834–1879) – historiisto, arkivisto, naskiĝinta en Hodňov
• Adalbert Stifter (naskiĝinto) – verkisto
• Leopold Wackarž (naskiĝinto) – abato de monaĥejo en Vyšší Brod kaj ĉefa abato de cistercianoj
• Gustav Jungbauer (naskiĝinto) – etnografo, profesoro en Universitato de Karolo en Prago kaj kunfondinto de Šumava muzeo en Horní Planá
• Johann Evangelist Habert (1833–1896) – eklezia muzikisto kaj komponisto
• Adolf Martin Pleischl (1787–1867) – universitata profesoro, kemiisto kaj kuracisto, naskiĝinta en Jenišov.
• Franz Fischer (1867–1937) – direktoro de lernejo, aŭtoro de folkloraj kaj historiaj artikoloj, municipa kronikisto; honora civitano de Horní Planá

Pluaj fotoj

• 
  Preĝejo de sankta Margareto en Horní Planá
• 
  Naskodomo de Adalbert Stifter
• 
  Akva rezervujo Lipno ĉe Horní Planá
• 
  Strando en Horní Planá
• 
  Preĝejo de Virgulino Maria
• 
  Statuo de Adalbert Stifter