I Confess
I Confess (Mi konfesas) estas usona nigra filmo de 1953 reĝisorita de Alfred Hitchcock, en kiu stelulas Montgomery Clift kiel Frato Michael William Logan, nome katolika pastro, Anne Baxter kiel Ruth Grandfort, kaj Karl Malden kiel Inspector Larrue.
| I Confess | |
|---|---|
| |
| filmo | |
| Originala titolo | I Confess |
| Originala lingvo | angla lingvo • franca lingvo • itala lingvo • germana lingvo |
| Kina aperdato | 1953, 18 feb. 1953 |
| Ĝenro | krimfilmo, filma dramo, flashback film, nigra filmo, suspensa filmo, detective film |
| Kameraado | Robert Burks |
| Reĝisoro(j) | Alfred Hitchcock |
| Produktisto(j) | Alfred Hitchcock |
| Scenaro | George Tabori • William Archibald |
| Filmita en | Kebekurbo • Kastelo Frontenac • Holivudo |
| Loko de rakonto | Kanado • Kebekurbo |
| Muziko de | Dimitri Tiomkin |
| Rolantoj | Montgomery Clift • Anne Baxter • Karl Malden • Brian Aherne • O. E. Hasse • Dolly Haas • Gilles Pelletier • Judson Pratt • Ovila Légaré • Alfred Hitchcock |
| Produktinta firmao | Warner Bros. |
| IMDb | |
Priskribo redakti
La filmo estis bazita sur franca teatraĵo de 1902 de Paul Anthelme titolita Nos deux consciences (Niaj du konsciencoj), kiun Hitchcock vidis en la 1930-aj jaroj. La scenaro estis verkita de George Tabori.[1]
Filmado okazis en tre diversaj lokoj de Kebeko kaj por pejzaĝoj kaj por internoj de preĝejoj kaj aliaj gravaj konstruaĵoj, kiel la Kastelo Frontenac.
La filmo temas pri falsa kulpulo, kio ege ripetiĝas en la filmaro de Hitchcock. Elstaras la ludado fare de Montgomery Clift kiel turmentita pastro. La elekto de Clift por la rolo de la protagonisto okazis post multaj duboj fare de la reĝisoro. Hitchcock finfine kontentiĝis pro la ludado, kvankam la rilato inter aktoro kaj reĝisoro dum la filmado estis ege ŝtorma.
La aktorino dekomence elektita kiel ina protagonisto estis Anita Björk, sed ŝi estis maldungita, spite Hitchcock, pro la ĉeesto de la aktorino kun sia amanto kaj lia filo en la bigota Holivudo. Anne Baxter estis la anstataŭanto, kaj tuj Hitchcock ordonis al ŝi tinkturi sian hararon pli intense blonda.
La sakristiano de paroĥejo de Kebeko eniras en domo, ŝtelas kaj murdas la posedanto, nome fama advokato de la urbo. Reveninta al la preĝejo, li konfesas sin al la patro Logan (Montgomery Clift), en kiu siavice venas la suspekto ĉar li ne havas alibion kaj oni scias, ke la kulpulo vestis sutanon la nokton de la krimo. Krome, oni konas, ke la pastro estis ĉantaĝita de la murdita advokato, pro iu amafero de antaŭ lia pastriĝo. Pro la konfes-sekreto, la pastro ne rajtas konfesi siavice, ke li ne estas la kulpulo, sed la sakristiano.
La filmo estis cenzurita en Irlando ĉar ĝi montris pastron kun amafero kun virino (kvankam falte tio okazis antaŭ lia pastriĝo).
Referencoj redakti
Notoj redakti
- ↑ TCM: I Confess notes Alirita la 9an de junio, 2013
Aldonaj referencoj redakti
- I Confess DVD dokumenta filmo
Eksteraj ligiloj redakti
- I Confess en Interreta filma datumbazo (angle)
- I Confess ĉe AllMovie (angle)
- I Confess ĉe Turner Classic Movies Datumbazo
- I Confess ĉe Box Office Mojo
- I Confess ĉe Rotten Tomatoes
Streaming audio redakti
- I Confess en Lux Radio Theater: 21a de septembro, 1953