Ikšķile
Ikšķile estas urbo en Latvia historia regiono Vidzeme, en la centro de Latvio. Ĝi apartenas al distrikto Ogre kaj situas en okcidenta parto de la distrikto, sur la dekstra bordo de rivero Daŭgavo. La urbo estas konata en Latvio kun ĝia ruinoj de unua katolika preĝejo kaj unua ŝtonkastelo en Latvio (1185). La distancoj al la plej gravaj centroj estas 9 km de Ogre kaj 30 km de Rigo.[1]
| Ikšķile | |||
| Urbo | |||
 Skolas strato.
| |||
|
|||
| Oficiala nomo: Ikšķile | |||
| Lando |  Latvio
| ||
|---|---|---|---|
| Municipo | Ogre | ||
| Historia regiono | Livonio aŭ Livlando (latve Vidzeme) | ||
| Rivero | Daŭgavo | ||
| Supermara alteco | 20 m s. m. | ||
| Koordinatoj | 56° 50′ 12″ N 24° 29′ 46″ O / 56.83667 °N, 24.49611 °O (mapo) | ||
| Areo | 10,0 km² (1 000 ha) | ||
| Loĝantaro | 7 278 (29.01.2021) | ||
| Denseco | 727,8 loĝ./km² | ||
| Urborajtoj | 1992 | ||
| Horzono | EET (UTC+2) | ||
| - somera tempo | EEST (UTC+3) | ||
| Poŝtkodo | LV-5052 | ||
  | |||
 | |||
 Vikimedia Komunejo: Ikšķile
| |||
| Retpaĝo: ikskile.lv | |||
| |||
Historio redakti
Ikšķile estas unu el la plej malnovaj lokoj en Latvio. Ĝis la 13-a jarcento, ekzistis livona vilaĝo ĉi tie, la nomo 'ikš kīla' livone signifas "unu vilaĝo" (komparu estone üks küla kaj finne yksi kylä). La vilaĝo prosperis pro sia loko sur la Daŭgava akvovojo.[2] La germanoj, kiuj eniris la loĝlokon kaj nomis ĝin Uexküll, en 1185-1186 konstruis la unuan ŝtonkastelon kun preĝejo en la teritorio de Latvio, kaj baldaŭ Uexküll iĝis la unua centro por la ekspansio de katolika kristanismo en Livonio. En 1201, proksima Rigo iĝis la nova centro, sed la kastelo Uexküll konservis sian armean signifon kaj en la sekvaj jaroj kaj la zemgalaj kaj la princoj de Polack provis okupi ĝin.
La kastelo Uexküll estis detruita en la 17-a jarcento. La preĝejo kaj multaj domoj estis detruita dum la Unua Mondmilito - post la milito la urbo oficiale ricevis sian latvan nomon Ikšķile.
Post la Dua Mondmilito, Ikšķile komencis formiĝi kiel somervilaĝo. En 1992, ĝi ricevis urborajtojn.
Ikšķile, germane Uexküll, estas la devenloko de la baltia nobela familio Uexküll, kun la konata filantropo Jakob von Uexküll, fondinto de Premio de ĝusta vivmaniero (Right Livelihood Award).
Geografio redakti
La urbo situas en sudorienta parto de Meza Latva malaltebenaĵo (latve Viduslatvijas zemiene).[3]
Averaĝa temperaturo estas -5,5°C - -6°C en januaro kaj +17°C en julio. Da precipitaĵo falas 700-750 mm jare.[3]
Transporto redakti
La aŭtovojo E22/A6 (Rigo-Daugavpils) kaj la fervoja linio Rigo-Moskvo pasas tra la urbo. Loka vojo estas P10 (Ikšķile-Inčukalns).
Loĝantaro redakti
Laŭ la stato de la jaro 2023 en la urbo vivis 7 473 personoj sur areo de 9,83 kvadrataj kilometroj, kio rezultigas loĝdenson de 760 loĝantoj/km².
Ŝanĝo de loĝantaro redakti
| Jaro | Homoj[2][4] |
|---|---|
| 1965 | 2145 |
| 2000 | 4618 |
| 2021 | 7317 |
Etna strukturo redakti
| Jaro | Homoj kune |
Latvoj | Rusoj | Belorusoj | Ukrainoj | Poloj | Litovoj | La cetero[4] |
|---|---|---|---|---|---|---|---|---|
| 2000 | 4618 | 3804 (82%) | 496 (11%) | 115 (2%) | 38 (1%) | 77 (2%) | 44 (1%) | 44 (1%) |
| 2021 | 7317 | 6410 (88%) | 498 (7%) | 88 (1%) | 61 (1%) | 81 (1%) | 50 (1%) | 129 (2%) |
Bildoj redakti
-
Domo de la pentristo J. Kuga. -
Preĝejruinoj. -
Fervoja stacidomo. -
Lutera preĝejo.
Referencoj redakti
- ↑ Toponavi.com. Distancoj.
- ↑ 2,0 2,1 Latvijas PSR Mazā Enciklopēdija - Latva Malgranda Enciklopedio, v. 1, p. 648.
- ↑ 3,0 3,1 Latvijas ģeogrāfijas atlants - Latvia geografia atlaso. "Jāņa sēta", 2020
- ↑ 4,0 4,1 stat.gov.lv
Eksteraj ligiloj redakti
Bildoj, sonoj kaj videoj pri temo Ikšķile en Vikimedia Komunejo