Irena Alijošiūtė
Irena Alijošiūtė (naskiĝis la 17-an de marto 1948 en vilaĝo Maironiai, distrikto Kelmė, Litovio – mortis la 28-an de januaro 2021 en Vilno, Litovio[1]) estis respondeca sekretariino de Litova Esperanto-Asocio.
| Irena Alijošiūtė | |
|---|---|
| Persona informo | |
| Naskiĝo | 17-a de marto 1948 en vilaĝo Maironiai, distrikto Kelmė, (Litovio) |
| Morto | 28-a de januaro 2021 en Vilnius (Litovio) |
| Mortokialo | COVID-19 
|
| Lingvoj | Esperanto |
| Nacieco | litovo |
| Ŝtataneco | Litovio
|
| Okupo | |
| Okupo | esperantisto (1968–)
|
| Esperanto | |
| Esperantistiĝis en | 1968 |
En 1970 finis Vilnan Universitaton, Ekonomian fakultaton, samtempe vizitis sesmonatan E-kurson ĉe Respublika Instruista Domo, trapasis ekzamenon kaj ricevis ateston. Samjare komencis viziti kunvenon de la junulara E-klubo "Juneco" (kies prezidento estis Vytautas Šilas). Dum 1970-1975 estis unu el ĉefaj organizantoj de aranĝoj de tiu klubo, en 1970-1972 estis sekretarino de E-klubo "Juneco", partoprenis SEJT en Uralo (1970) urbo Kuŝnarenkovo ĉe la rivero Belaja, legis raporton pri farita laboro de la litova E-junularo. Ankaŭ partoprenis internacian E-aranĝon en Pollando (1972) en Swinoujscze, vizitis Bydgoszcz, Torun, Krakovon, Varsovion, renkontiĝis tie kun esperantistoj.
Estis membro de la organiza komitato de la 65-a SAT kongreso. Ekde la 1a aŭgusto de 1993 I. Alijošiūtė eklaboris en LitEA kiel respondeca sekretariino en Kaunas. Ŝi partoprenis en la organizaj komitatoj de BET-31 en Girionys (1995) kaj BET-34 en Veisiejai (1998). I. Alijošiūtė multon faris por organizi aŭtobus-grupajn vojaĝojn el Litovio al E-aranĝoj eksterlanden.
Fonto
redakti
- Antanas Mekys, Esperanto en Litovio, parto kvara (1999), p. 83-84.
Referencoj
redakti- ↑ Gorecka, Halina; Korĵenkov, Aleksander. Irena Alijošiūtė forpasis. La Ondo de Esperanto (2021-01-28). Alirita 2021-01-31.