Irena Szewińska
Irena SZEWIŃSKA, fraŭline Irena KIRSZENSTEIN (naskiĝis la 24-an de majo 1946 en Leningrado, mortis la 29-an de junio 2018) estis pola atletikistino, specialiĝinta pri kurtadistancaj kuroj. Sepfoja medalistino de la Olimpiaj Ludoj. Damo de la Ordeno de la Blanka Aglo.
| Irena Szewińska | |
|---|---|
| |
| Persona informo | |
| Naskonomo | Киршенштейн, Ирена |
| Naskiĝo | 24-an de majo 1946 en Sankt-Peterburgo |
| Morto | 29-an de junio 2018 (72-jaraĝa) en Varsovio |
| Mortokialo | mama kancero |
| Tombo | Armea Tombejo Powązki |
| Lingvoj | pola |
| Ŝtataneco | Pollando |
| Alma mater | Universitato de Varsovio |
| Familio | |
| Edz(in)o | Sławomir Szewiński |
| Infano | Andrzej Szewiński |
| Okupo | |
| Okupo | kurtadistanca kuristo • atleto • sports official |
Premioj kaj distingoj redakti
En 1974 en la plebiscito de novaĵagentejo United Press International iĝis la plej bona sportistino de la mondo. En 1977 elektiĝis la plej bona atletikistino de la mondo laŭ la revuo "Track & Field News". En 1981 membriĝis al International Jewish Sports Hall of Fame – internacia galerio de famuloj juddevenaj. En plebiscito de "Polityka" (Politiko), "Przegląd Sportowy" (Sporta Revuo) kaj "Tempo" konsiderita en 1998 numero 1 en la pola sporto de la 20-a jarcento. Distingita per Komandora Kruco kun Stelo de la Ordeno Polonia Restituta (1998). En 2005 iĝis Honora Civitano de Bydgoszcz. Septembre 2007 ricevis honoran doktorecon de la Akademio de Korpa Disvolvo kaj Sporto en Gdańsk. En Pułtusk troviĝas publika fundamenta lernejo je la nomo de ŝi. En la jaro 2015 Prezidento de Pollando Andrzej Duda distingis ŝin per la plej alta ŝtata ordeno: la Ordeno de la Blanka Aglo.
Rekordoj redakti
- 100-metra kuro: 11,13 s (1974)
- 200-metra kuro: 22.21 (1974, iama nova mondrekordo)
- 400-metra kuro: 49,28 s (1976, iama nova mondrekordo)
- longosalto: 6,67 s (1968)