Mobutu Sese Seko
Mobutu SESE SEKO (kies vera nomo estis Joseph-Desire Mobutu) estis la ŝtata prezidanto de la nuna Demokratia Respubliko Kongo, tiam ekde la jaro 1971 nomata Zairio, por 32 jaroj, de 1965 ĝis 1997. Lia diktatora regado kaj lia amasa uzado de la mono de la ŝtato por lia persona uzo signifas ke lia nomo fariĝis simbola de kleptokratia kaj diktatura regado en Afriko.
| Mobutu Sese Seko | |||||
|---|---|---|---|---|---|
| |||||
| Persona informo | |||||
| Mobutu Sese Seko Kuku Ngbendu wa Za Banga | |||||
| Naskonomo | Joseph-Désiré Mobutu | ||||
| Naskiĝo | 14-an de oktobro 1930 en Lisala,  Kongo Belga
| ||||
| Morto | 7-an de septembro 1997 (66-jara) en Rabato | ||||
| Mortis pro | naturaj kialoj [#] | ||||
| Mortis per | prostata kancero [#] | ||||
| Tombo | Rabato [#] | ||||
| Religio | katolika eklezio [#] | ||||
| Etno | Ngbandi people [#] | ||||
| Lingvoj | lingala • franca • Ngbandi [#] | ||||
| Loĝloko | Gbadolite • Rabato [#] | ||||
| Ŝtataneco | Respubliko Kongo • Zairio [#] | ||||
| Alma mater | Collège du Léman [#] | ||||
| Partio | Popular Movement of the Revolution [#] | ||||
| Familio | |||||
| Edz(in)o | Bobi Ladawa Mobutu • Marie-Antoinette Gbiatibwa Gogbe Mobutu [#] | ||||
| Infanoj | Nzanga Mobutu • Kongulu Mobutu • Giala Mobutu [#] | ||||
| Profesio | |||||
| Okupo | politikisto • ĵurnalisto • militisto [#] | ||||
| |||||
| |||||
| [#] | Fonto: Vikidatumoj | ||||
Mobutu naskiĝis en Lisala en 1930, kiam lia lando estis ankoraŭ Belga kolonio. Li venis de la etna grupo Ngabandi, kaj liaj gepatroj estis relative malriĉaj. Post studoj en katolika lernejo, li eniris la armeon, kaj poste fariĝis ĵurnalisto. En 1958 li eniris la Nacian Movadon de Patrice Lumumba, kiu batalis por sendependeco. Li rapide fariĝis la persona helpanto de Lumumba. Post sendependeco en 1960 Lumumba decidis serĉi sovetan apogon, kaj la okcidentaj landoj helpis Mobutu liberiĝi de Lumumba kaj fariĝi la nova prezidanto post militista puĉo per kiu li forigis el la povo la ĝistiame, demokratie elektitan, prezidenton Joseph Kasa-Vubu.
Kiam li eniris la povon, Mobutu malleĝigis Francajn nomojn, kaj donis al si mem novan Afrikan nomon, Mobutu Sese Seko Ngbendu Wa Za Banga, kutime mallongigita al Mobutu Sese Seko.
En 1994 Mobutu ŝajne apogis la amasbuĉadon ĉefe de tutsioj nomita Ruanda genocido. En 1996 oni proklamis la forpelon de tutsioj el la lando kaj eksplodis ribelo en orientaj regionoj; krome aliaj kontraŭantoj de Mobutu insurekciis kaj en majo de 1997 la ribelo eniris en Kinŝaso, Mobutu forfuĝis kaj la landon ekregis Laurent-Désiré Kabila.