Louisa Garrett Anderson
D-ro Louisa GARRETT ANDERSON CBE (naskiĝis la 28-an de julio 1873, mortis la 11-an de novembro 1943) estis medicina pioniro, filino de alia pionira kuracisto Elizabeth Garrett Anderson. Ŝi ankaŭ estis nevino de la grava virinbalotrajtisto Millicent Fawcett kaj fariĝis membro de la brita virinbalotrajtista organizaĵo Women's Social and Political Union (Socia kaj politika unio de virinoj, aŭ WSPU).
| Louisa Garrett Anderson | |
|---|---|
| |
| Persona informo | |
| Naskiĝo | 28-an de julio 1873 en Aldeburgh |
| Morto | 15-an de novembro 1943 (70-jaraĝa) en Brajtono |
| Lingvoj | angla |
| Ŝtataneco | Unuiĝinta Reĝlando (Britio) 
|
| Alma mater | London School of Medicine for Women (en)  St Leonards School (en)
|
| Familio | |
| Patro | James George Skelton Anderson (en)
|
| Patrino | Elizabeth Garrett Anderson
|
| Frat(in)o | Alan Garrett Anderson (en)
|
| Parencoj | Millicent Fawcett ()
|
| Okupo | |
| Okupo | kuracisto verkisto biografo kirurgo sufrageto
|
Anderson estis ĉefa ĥirurgiisto de la Women's Hospital Corps (Malsanuleja korpuso de virinoj, aŭ WHC) kaj ŝi estis altranga membro en la brita Reĝa Societo de Medicino.
Frua vivo
redaktiAnderson estis unu el tri infanoj de James George Skelton Anderson kaj Elizabeth Garrett Anderson. La patro estis ŝipposedanto. La patrino estis la unua virino en Britio kiu gajnis medicinan kvalifikon. Elizabeth Garrett Anderson ankaŭ kunfondis la Londonan Medicinan Instruejon por Virinoj, kaj fariĝis la unua elektita urbestro en Britio.
Louisa Garrett Anderson ĉeestis lernejon St Leonards en St. Andrews, Fife en Skotlando. Poste, ŝi ĉeestis la Londonan Medicinan Instruejon por Virinoj (fondita de ŝia patrino).
Kariero
redaktiAnderson laboris kiel kuracisto en malsanulejoj kaj privataj klinikoj.
En 1912 ŝi estis mallonge malliberigita por ŝia aktivado kiel sufrageto.
Dum la Unua Mondmilito Anderson deĵoris en Francio kun la WHC, Kunkune kun ŝia amiko kaj kolego D-ro Flora Murray, establis milit-malsanulejojn por la franca militistaro en Parizo kaj Wimereux. Finfine, ŝi ankaŭ sukcesis establi la WHC ĉe la milit-malsanulejo en Endell Street, Holborn, Londono. La tuta dungitaro de la WHC estis virinoj, inkluzive Anderson mem, kiel ĉefa ĥirurgiisto.
Anderson verkis multajn medicinajn artikolojn, kaj eldonis ankaŭ vivhistorion de la patrino, en 1939.
Ŝi mortis en 1949 kaj estas entombigita en Buckinghamshire kun ŝia amiko Flora Murray kiu jam mortis en 1923. Ne estas certa, ke ili estis amorantinoj, sed ili estis entombigitaj kune kaj ilia tomboŝtono estis enskribita "Ni estis glore feliĉaj" (We have been gloriously happy")[1].
Notoj
redaktiĈi tiu artikolo estis bazita sur ĝia angla versio.
- ↑ http://www.findagrave.com/cgi-bin/fg.cgi?page=gr&GRid=6531849 Louisa Garrett Anderson (1873 - 1943) - Find A Grave Memorial