Meghan Musnicki
Meghan MUSNICKI (naskiĝis la la 5-an de februaro 1983 en Naples, Nov-Jorkio, do nun 41-jara) estas eksa usonana remisto. De 2010 ĝis 2016 ŝi estis ano de la usona nacia remteamo. En tiu tempo ŝi gajnis du olimpikajn orajn medalojn kiel ano de unuremila okopo kun stiristo.
| Meghan Musnicki | ||||
| remisto | ||||
|---|---|---|---|---|
| remado | ||||
| Nomo | Meghan Musnicki | |||
| Naskiĝo | la 5-an de februaro 1983 en Naples,  Usono
| |||
| ||||
Antaŭ ol Musnicki estis remisto, ŝi ludis korbopilkadon kaj piedpilkadon. En 2001, dum ŝia unua jaro ĉe la St.Lawrence University en Nov-Jorkio, ŝi unuafoje sidis en remboato. Sed daŭris kelkajn Jarojn ĝis kiam ŝi trejniĝis por internacia kariero. En 2010, kiel 27-jarulo, Musnicki partoprenis en sia unua internacia evento - la tria konkurso de la Monda Rempokalo(MRP) en Lucerno, Svisujo. Ŝi partoprenis en du kategorioj: la unuremila duopo sen stiristo, en kiu ŝi estis dualoka klasito kaj la unuremila okopo kun stiristo, en kiu ŝi estis unualoka klasito. En la samjara monda ĉampionado en Nov-Zelando la usona okopo gajnis sian kategorion kaj Musnicki iĝis monda ĉampiono en sia debuto. La sekvan jaron la okopo defendis sian mondoĉampionan titolon. Musnicki ankaŭ partoprenis en du konkursoj de la MRP kune kun sia okopa teamano Zsuzsanna Francia. Ili estis dualoka kaj kvaraloka klasito en la kategorio unuremila duopo sen stiristo.
.jpg)
En 2012 ŝi estis ano de la okopo ĉe la Olimpikaj Ludoj en Londono. Sur la Lago Dorney la teamo facile gajnis la unuan etapon de la konkurso kaj tiel kvalifikis sin rekte por la finalo. Tie la teamo gajnis oran medalon antaŭ la teamoj de Kanado kaj Nederlando.
Musnicki kaj la usona okopo restis nevenkita ĉe la sekvaj tri mondaj ĉampionadoj en 2013, 2014 kaj 2015. Dum tiu tempo ŝi ankaŭ fojfoje partoprenis en la unuremila duopo sen stiristo. La plej bona rezulto estis dua pozicio dum la unua konkurso de la Monda Rempokalo 2013 en Sidneo.
Ĉe la Olimpikaj Ludoj 2016 en Rio-de-Ĵanejro ŝi lastfoje partoprenis en internacia evento. La usona okopo, kiel ĉe la lasta Olimpiko, facile kvalifikis sin por la finalo. Tie ĝi gajnis sian trian sinsekvan olimpikan ormedalon. Por Musnicki ĝi estis la dua olimpika ora medalo.
Internaciaj sukcesoj redakti
| Evento | Loko | Rezulto | Kategorio |
|---|---|---|---|
| Monda Ĉampionado 2010 | Karapiro,  Nov-Zelando |
 |
unuremila okopo kun stiristo (W8+) |
| Monda Ĉampionado 2011 | Bled,  Slovenio |
|
unuremila okopo kun stiristo (W8+) |
| Olimpikaj Ludoj 2012 | Londono,  Britio |
 |
unuremila okopo kun stiristo (W8+) |
| Monda Ĉampionado 2013 | Chungju,  Sud-Koreio |
|
unuremila okopo kun stiristo (W8+) |
| 4-a | unuremila duopo sen stiristo (W2-) | ||
| Monda Ĉampionado 2014 | Amsterdamo,  Nederlando |
|
unuremila okopo kun stiristo (W8+) |
| Monda Ĉampionado 2015 | Aigueblette,  Francio |
|
unuremila okopo kun stiristo (W8+) |
| Olimpikaj Ludoj 2016 | Rio-de-Ĵanejro,  Brazilo |
|
unuremila okopo kun stiristo (W8+) |
Eksteraj ligiloj redakti
- Meghan Musnicki ĉe WorldRowing.com (FISA, la monda rem-asocio)
- Meghan Musnicki ĉe USRowing (La nacia rem-asocio)