Mont-sur-Rolle
Mont-sur-Rolle estas komunumo en la distrikto Nyon en Kantono Vaŭdo, Svislando. Ĝi havis 2539 loĝantojn je la 31-a de decembro 2012.
| Mont-sur-Rolle | |||||
|---|---|---|---|---|---|
 | |||||
| Blazono de Mont-sur-Rolle | |||||
 | |||||
| Biendomo Belletruche en Mont-sur-Rolle | |||||
| komunumo en Svislando | |||||
| |||||
| Kantono | Vaŭdo | ||||
| Distrikto | Nyon | ||||
| Koordinatoj | 46° 28′ 16″ N 6° 20′ 13″ O / 46.47111 °N, 6.33694 °O (mapo)Koordinatoj: 46° 28′ 16″ N 6° 20′ 13″ O / 46.47111 °N, 6.33694 °O (mapo) | ||||
|
| |||||
| Nombro de loĝantoj | 2539 | ||||
| Areo | 3,85 km² | ||||
| Alteco | 473 m super marnivelo | ||||
| Poŝtkodo | 1185 | ||||
| Komunumkodo | 5859 | ||||
 | |||||
| Situa mapo de Mont-sur-Rolle | |||||
Geografio
redaktiLa komunumo Mont-sur-Rolle troviĝas en la regiono Vaŭda Bordo (Côte de Vaud) norde de la Lago Lemano sur monteta tavolo proksimume 100 metrojn super la lago kun bela vido al la lago kaj la Alpoj. La komunumo konsistas el la vilaĝo Mont-sur-Rolle, la vilaĝetoj Weiler L'Abbaye, Les Nex, Germagny, Les Truits, Mont Dessus kaj Les Granges, kaj diversaj vitejbienoj.[1]
La teritorio de la komunumo etendiĝas sur areo de 3,85 km², de kiuj 11,6% estas kovritaj de arbaro, 60,7% servas por agrikulturo kaj 26,6% por setlado. [2]
Najbaraj komunumoj
redaktiLa komunumo Mont-sur-Rolle limas en nordo al Pizy, en nordoriento al Bougy-Villars, en oriento al Perroy, en sudo al Rolle, kaj en okcidento al Essertines-sur-Rolle.
Trafiko
redaktiTra Mont-sur-Rolle pasas la kantona ĉefvojo n-ro 124 de Aubonne al Gland kaj en sudo la svisa aŭtovojo A1, kies alveturejo Rolle situas rekte sude de la komunuma limo. Pere de la poŝtaŭtolinio de Rolle al Gimel la komunumo estas konektita al la publika transportreto.
Historio
redaktiLa unua dokumenta mencio de Mont-sur-Rolle datiĝas el la jaro 994 kiel Monte. Dum mezepoko la abatejoj Romainmôtier kaj Bonmont posedis bienojn en Mont-sur-Rolle. La loko tiam estis la centro de la Senjoroj de Mont. Sub la berna regado de 1539 ĝis la Helveta Revolucio de 1798 Mont-sur-Rolle apartenis al la Voktejo Morges. Post la Helveta Revolucio la komunumo estis atribuita al la Distrikto Rolle kaj surbaze de la administra reformo de 2006 kun efiko de la 1-a de januaro 2008 estis integrita al la grandigita Distrikto Nyon.[3]
Vidu ankaŭ
redakti- Aliaj lokoj kun la nomo Mont
Notoj kaj referencoj
redakti- ↑ Fonto: Reta mapo 1:20000 de Swisstopo Arkivigite je 2013-11-12 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Germain Hausmann: Mont-sur-Rolle en Historia Leksikono de Svislando (2008-11-27)
Eksteraj ligiloj
redakti- Oficiala retejo de la komunumo Mont-sur-Rolle Arkivigite je 2010-01-26 per la retarkivo Wayback Machine
- Vidu ankaŭ en la Vikimedia Komunejo la kategorion Mont-sur-Rolle – (Kolekto de bildoj kaj plurmediaj dosieroj)