Natria poloniido

Natria poloniido
Kemia strukturo de la Natria poloniido
3D Kemia strukturo de la Natria poloniido
Kristala strukturo de natria poloniido
Alternativa(j) nomo(j)
Natria salo de poloniida acido
Kemia formulo	Na2Po
Fizikaj proprecoj
Aspekto	Grizkolora solido
Molmaso	254.96 g mol−1
Denseco	4,08 g/cm3
Sekurecaj Indikoj
Risko	R34 R50
Sekureco	(S1/2) S26 S37 S45 S61
Pridanĝeraj indikoj
Danĝero T Toksa Xn Noca por la sano
GHS etikedigo de kemiaĵoj
GHS Damaĝo-piktogramo
GHS Signalvorto	Damaĝa substanco
GHS Deklaroj pri damaĝoj	H311, H315, H331
GHS Deklaroj pri antaŭgardoj	P101, P102, P103, P262, P353, P302+352, P306+360
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Natria poloniido, poloniido de natrio aŭ Na₂Po estas neorganika kombinaĵo de natrio kaj polonio, grizkolora kaj tre stabila el la poloniaj kombinaĵoj. Pro la alta elektronegativeco inter la atomoj de natrio kaj polonio, laŭ la sistemo de Linus Pauling, kaj la milda nemetala karaktero de polonio, ĝia strukturo kuŝas inter intermetalaj fazoj kaj jonaj komponaĵoj.

Sintezo

• Natria poloniido prepareblas per traktado de elementa natrio kaj polonia hidrido kun liberigo de hidrogeno. Ĉi-metodo estas iom malfacila pro la kemia malstabileco de la polona hidrido:

${\mathsf {H_{2}Po+2Na\ {\xrightarrow {T}}\ Na_{2}Po+H_{2}\uparrow }}$

• Aŭ rekte ekde la fandado de polonia metalo kaj natrio:

${\mathsf {Po+2\;Na\ {\xrightarrow {300^{o}C-400^{o}C}}\ Na_{2}Po}}$

• aŭ per traktado de la polonio kaj kaŭstika sodo:

${\mathsf {3\;Po+6\;NaOH\ {\xrightarrow {T}}\ 2\;Na_{2}Po+Na_{2}PoO_{3}+3\;H_{2}O}}$

Proprecoj

Poloniidoj estas toksaj komponaĵoj kaj ĝenerale produktiĝas ekde senpera reakcio inter la elementoj sub temperaturoj inter 300 °C kaj 400 °C. Ili estas la plej kemie stabilaj kombinaĵoj de polonio kaj povas dividiĝi inter du grandaj grupoj:

• la jonaj poloniidoj, kiuj laŭŝajne enhavas la anjonon Po²⁺
• la intermetalaj poloniidoj, kiu prezentas pli kompleksajn ligilojn

Kelkaj poloniidoj estas peraĵoj inter ĉi-du kazoj kaj aliaj estas nestekiometriaj kombinaĵoj. Alojoj enhavantaj polonion ankaŭ nomatas poloniidoj. Ĉar polonio kuŝas rekte malsupra ol teluro en la perioda tabelo, poloniidoj kaj teluridoj prezentas plurajn kemiajn kaj strukturajn similaĵojn.

Literaturo

• IOPScience
• Snipview
• Inorganic Hydrides: The Commonwealth and International Library: Chemistry ..., B. L. Shaw
• Inorganic Chemistry, Mark Weller, Tina Overton, Jonathan Rourke, Fraser Armstrong
• The Radiochemistry of Polonium, Edição 3037, P. E. Figgins
• Advances in Inorganic Chemistry and Radiochemistry, Volume 4