Oberwil ĉe Büren
Oberwil ĉe Büren (en la germana lingvo Oberwil bei Büren) estis ĝis la 31-a de decembro 2009 komunumo de la distrikto Büren kaj ekde la 1-a de januaro 2010 komunumo de la administra distrikto Seeland en Kantono Berno, Svislando. Ĝi havis 800 loĝantojn je la 31-a de decembro 2010.
| Oberwil ĉe Büren | |
|---|---|
 | |
| Blazono de Oberwil ĉe Büren | |
 | |
| Preĝejo de Oberwil ĉe Büren | |
| komunumo en Svislando | |
| Kantono | Berno |
| Administra distrikto | Seeland |
| Malnova distrikto ĝis 2009 | Büren |
| Koordinatoj | 47° 7′ 50″ N 7° 24′ 25″ O / 47.13056 °N, 7.40694 °O (mapo)Koordinatoj: 47° 7′ 50″ N 7° 24′ 25″ O / 47.13056 °N, 7.40694 °O (mapo) |
|
| |
| Areo | 6,72 km² |
| Alteco | 488 m super marnivelo |
| Poŝtkodo | 3298 |
| Komunumkodo | 0391 |
 | |
| Mapo de Oberwil ĉe Büren | |
Geografio
redaktiOberwil ĉe Büren situas en la Berna Lagolando, proksimume 15 kilometrojn oriente de la urbo Bielo kaj 10 kilometrojn sudokcidente de la urbo Soloturno, sude de la montoĉeno de Bucheggberg. Al la komunumo apartenas krom la vilaĝo Oberwil ĉe Büren la setlejoj Talmüli, Wilhof kaj Gmeinholz.[1]
La teritorio de la komunumo etendiĝas sur areo de 6,72 km², de kiuj 35,7% estas kovritaj de arbaro, 55,9% servas por agrikulturo kaj 8,5% por setlado. [2]
Najbaraj komunumoj
redaktiLa komunumo Oberwil ĉe Büren limas en nordo al Rüti ĉe Büren, en oriento al Gossliwil (SO), en sudoriento al Lüterswil-Gächliwil (SO), en sudo al Biezwil (SO), en sudokcidento al Schnottwil (SO), kaj en okcidento al Büren ĉe Aro.
Trafiko
redaktiLa komunumo Oberwil ĉe Büren situas flanke de la gravaj trafikvojoj. La vojo atingeblas per la vojoj n-ro 1309 de Büren kaj Rüti ĉe Büren kaj 1312 de Gossliwil kaj Schnottwil. La plej proksima alveturejo al la svisa aŭtovojo A5 troviĝas proksimume 6 kilometrojn sudokcidente apud Büren ĉe Aro. Per poŝtaŭtolinioj al Büren ĉe Aro, Schnottwil kaj Zollikofen la komunumo estas konektita al la publika transportreto.
Historio
redaktiLa unua dokumenta mencio de la komunumo Oberwil ĉe Büren datiĝas el la jaro 1236 kiel Oberwile. Dum mezepoko Oberwil ĉe Büren apartenis al la Senjorujo Strassberg, kiu kiu ĝi en la jaro 1388 fariĝis havaĵo de la urba ŝtato Berno kaj en la jaro 1393 estis atribuita al la Voktejo Büren.[3]
Vidu ankaŭ
redakti- Aliaj signifoj de Oberwil
Notoj kaj referencoj
redaktiEksteraj ligiloj
redakti- Vidu ankaŭ en la Vikimedia Komunejo la kategorion Oberwil ĉe Büren – (Kolekto de bildoj kaj plurmediaj dosieroj)