Malfermi la ĉefan menuon


La distrikto Büren estis ĝis la 31-a de decembro 2009 administra unuo de Kantono Berno. Ĝi havis 22275 loĝantojn la 31-an de decembro 2008. Ĝia ĉefurbo estis la samnoma urbo Büren ĉe Aro.

Distrikto Büren
Blazono de Büren
Aroponto ĉe Arch
Mapo de la distrikto Büren
Kantono Berno
Ĉefloko Büren ĉe Aro
Koordinatoj  47°8′N 7°22′O  /  47.133°N, 7.367°O / 47.133; 7.367 (Büren (distrikto))Koordinatoj: 47°8′N 7°22′O  /  47.133°N, 7.367°O / 47.133; 7.367 (Büren (distrikto))
Nombro de enloĝantoj 22275(2008-12-31)
Areo 88 km²
Loĝantardenseco 253 loĝantoj/km²
Federacia Kodo 205

Ek de la 1-a de januaro 2010 la komunumoj Lengau, Meinisberg kaj Pieterlen apartenas al la administra distrikto Bielo, dum la ceteraj 11 komunumoj estis integritaj al la administra distrikto Seeland.

GeografioRedakti

La distrikto Büren situas ĉe la bordo de la rivero Aro inter la montoĉeno Bucheggberg en sudoriento kaj la Ĵurasa montaro en nordokcidento, en la nordokcidento de la Kantono Berno kaj estas de tri flankoj ĉirkaŭigita de la Kantono Soloturno.

Najbaraj distriktojRedakti

La distrikto Büren limas en nordokcidento al la distrikto Courtelary, en nordo al la distrikto Lebern (Kantono Soloturno), en oriento al la distrikto Bucheggberg (Kantono Soloturno), en sudoriento al la distrikto Fraubrunnen, en sudo al la distrikto Aarberg, en sudokcidento al la distrikto Nidau, kaj en okcidento al la distrikto Bielo.

TrafikoRedakti

Tra la distrikto Büren pasas la svisa aŭtovojo A5 de Soloturno al Bielo kaj paralele al ĝi grava orient-okcidenta trajnlinio de Svisaj Federaciaj Fervojoj de Romanshorn tra Zuriko, Bielo, Yverdon al Laŭzano kaj Ĝenevo.

HistorioRedakti

En mezepoko la regiono ĉirkaŭ la urbeto Büren estis nobela senjorujo. En la jaro 1388 la senjorujo fariĝis berna voktejo, kiu ekzistis ĝis la Helveta Revolucio en la jaro 1798. En 1803 la iama voktejo fariĝis ĉefdistrikto kaj ek de 1831 distrikto de Kantono Berno. Per la administra reformo de Kantono Berno la distrikto Büren ĉesis ekzisti la 31-an de decembro 2010 kaj ĝiaj komunumoj estis atribuitaj al la novaj administraj distriktoj Bielo kaj Seeland.

Komunumoj de la distrikto BürenRedakti

La distrikto Büren konsistas (stato en 2009) el 14 komunumoj, el kiuj la Lengnau estas la plej granda. La unika urbo estas la ĉefurbo Büren ĉe Aro, kiu posedas historia urborajton . Jen la listo:

Blazono Nomo Loĝantoj
(2008-12-31)
Areo
en km²
Komunumkodo
  Arch 1560 6,4 0381
  Büetigen 791 3,6 0382
  Büren ĉe Aro 3220 12,7 0383
  Busswil ĉe Büren 1931 3,1 0384
  Diessbach ĉe Büren 873 6,3 0385
  Dotzigen 1346 4,3 0386
  Lengnau 4501 7,3 0387
  Leuzingen 1188 10,3 0388
  Meienried 52 0,7 0389
  Meinisberg 1244 4,4 0390
  Oberwil ĉe Büren 797 6,7 0391
  Pieterlen 3347 8,3 0392
  Rüti ĉe Büren 810 6,5 0393
  Wengi 615 7,1 0394
Totale 14 22275 87,7 0205

Vidu ankaŭRedakti

Eksteraj ligilojRedakti