Orfrunta hilofilo

La Orfrunta hilofilo, Hylophilus aurantiifrons, estas specio de birdo de la familio de Vireedoj kaj genro de Hylophilus, kiuj estas malgrandaj paserinoj de Sudameriko, pli verdecaj birdoj ol la tipa en la familio genro de Vireoj, el kiu ĝenerala koloro devenas la nomo, esperantigita kiel Hilofiloj aŭ pli kompreneble verduloj.

Kiel legi la taksonomion Orfrunta hilofilo
Orfrunta hilofilo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Vireedoj Vireonidae Genro: Hylophilus Specio: 'H. aurantiifrons'
Dunomo
Hylophilus aurantiifrons (Lawrence, 1862)
Konserva statuso
Konserva statuso: Malplej zorgiga
Aliaj Vikimediaj projektoj

Ĝi troviĝas kiel rerproduktuloj en Panamo, Kolombio, Venezuelo kaj Trinidado.

Ĝi estas birdo de arbaroj kaj duarangaj kreskaĵaroj kiuj konstruas profundan tasforman neston penditan el arbobranĉo aŭ vito. La tipa ovodemetado estas de tri blankaj ovoj, kiuj estas markataj je bruna. Tiu specio estas parazitata fare de la Brila molotro.

Plenkreskulo de Orfrunta hilofilo estas 12 cm longa kaj pezas 9.5 g. Ĝi estas ĉefe verda en supraj partoj, kun pli brunaj flugiloj kaj vosto, kaj flaveca al cinama nuanco en frunto kaj kapoflankoj, kio nomigas la specion kaj en Esperanto kaj en la latina scienca nomo kie aurantiifrons signifas “kun ora frunto”. La subaj partoj estas flavaj. La beko estas rozkoloreca kaj la kruroj blugrizecaj. La alvoko estas ĉii-viii.

Orfruntaj hilofiloj manĝas insektojn kaj araneojn kaptitajn el supra kaj meza tavoloj de la kanopeo. Ili ofte formas malgrandajn arojn.

Referencoj

• BirdLife International (2004). Hylophilus aurantiifrons. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej Zorgiga.
• ffrench, Richard. (1991) A Guide to the Birds of Trinidad and Tobago, 2‑a eldono, Comstock Publishing. ISBN 0-8014-9792-2.
• Hilty, Steven L. (2003) Birds of Venezuela. Londono: Christopher Helm. ISBN 0-7136-6418-5.