Hilofiloj

Hylophilus estas genro de birdoj de la familio de Vireedoj kies tipa genro estas Vireoj, kiuj estas malgrandaj birdoj, ĝenerale olivecverdecaj supre kaj helaj sube, dum tiuj estas pli verdecaj birdoj el kiu ĝenerala koloro devenas la nomo, esperantigita kiel Hilofiloj aŭ pli kompreneble verduloj. Hylophilus devenas el du radikoj el la antikva greka nome hile (arbaro) kaj filos (ema) tio estas arbarema aŭ verda kiel arbaro.

Kiel legi la taksonomion Hilofiloj
Grizkapa hilofilo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Vireedoj Vireonidae Genro: Hylophilus
Aliaj Vikimediaj projektoj

Ili povas subdividiĝi en du ĝeneralaj grupoj laŭ diferencoj en iriskoloro kaj kantosimpleco.

Ĝi enhavas la jenajn speciojn:

• Genro Hylophilus, esperante hilofiloj aŭ verduloj.
  • Grupo A – Ĝenerale kun simpla kanto kaj hela iriso.
    • Ruĝeckrona hilofilo, Hylophilus poicilotis
    • Grizokula hilofilo, Hylophilus amaurocephalus
    • Helpieda hilofilo, Hylophilus flavipes
    • Grizbrusta hilofilo, Hylophilus semicinereus
    • Grizkapa hilofilo, Hylophilus pectoralis
    • Citronbrusta hilofilo, Hylophilus thoracicus
    • Oliveca hilofilo, Hylophilus olivaceus
    • Sklatera hilofilo, Hylophilus sclateri
  • Grupo B – Malsimpla kanto kaj malhela iriso.
    • Orfrunta hilofilo, Hylophilus aurantiifrons
    • Malhelkrona hilofilo, Hylophilus hypoxanthus
    • Tervanga hilofilo, Hylophilus muscicapinus
    • Malgranda hilofilo, Hylophilus decurtatus
    • Brunkapa hilofilo, Hylophilus brunneiceps
    • Ruĝecnuka hilofilo, Hylophilus semibrunneus
  • Grupo C – Subkreskaĵaraj specioj.
    • Ruĝeckrona hilofilo, Hylophilus ochraceiceps

Temas pri birdospecioj de Sudameriko.