Pomelo

Pomelo laŭ la Plena Ilustrita Vortaro de Esperanto (PIV) estas:

• Globa ekstremaĵo de la tenilo de spado, sabro aŭ rapiro en skermado, ankaŭ de glavo aŭ simila tranĉa armilo (ekzemple tranĉilo aŭ bajoneto) en antikva batalarto.
• Elstara antaŭa parto de selo en rajdado.

pomelo de vakera selo (1)

pomelo de sabro (1)

ligna pomelo de tradicia filipina glavo

Similforme al la unua signifo, ankaŭ globa ekstremaĵo de la tenilo de ombrelo kaj de apoga bastono analogie povas esti nomata pomelo.

Krome "pomeloĉevalo" estas baza sportilo en arta gimnastiko - horizontala trabo, kovrita per vato kaj ledo, sur kvar lignaj piedoj, kun supre pomelo aŭ du pomeloj - do ansoj aŭ en pli simpla lingvaĵo tenilo - kiu(j)n gimnasto povas teni: "pomeloĉevalo" altas 115 centimetrojn kaj longas 160 centimetrojn, do pli longas ol gimnastika boko, sed baze aspektas iom simile (en gimnastiko ankaŭ uzatas samformaj aparatoj sen pomeloj, kiuj do simple nomatas "ĉevaloj"). La uzo de la vorto "ĉevalo" aludas, ke tia senmova sportilo en arta gimnastiko principe povas anstataŭi ĉevalon por sporta ekzercado de rajdisto.

Etimologio

La vorto ekestis el la termino pomel ("pometo") en la anglo-normanda lingvo en la 11-a jarcento - de la britaj insuloj ĝi disvastiĝis al la kavaliraj socioj de mezepoka Eŭropo.

gimnasta "ĉevalo" kun du pomeloj en la junula mondĉampionado 2019 de gimnastiko

Vidu ankaŭ

• gimnastiko#apartaro
• tenilo
• anso, tenilo de taso, bovlo, kruĉo, pokala trofeo aŭ simila objekto
• fusto aŭ ŝafto, parto de iuj objektoj, je kiu oni lin kaptas kaj tenas mane
• klinko aŭ pordobrako, la movebla peco de pordofermilo
• Pumelo (citrusa frukto)