Prezidanto de Aŭstrujo
La federacia prezidanto de Aŭstrujo (germanlingve Bundespräsident) estas la ŝtatestro de Aŭstrujo. La sidejo de la prezidanto estas la Hofburg en Vieno.
| Prezidanto de Aŭstrujo | ||
|---|---|---|
| ||
| Alexander Van der Bellen | ||
publika posteno 
| ||
| prezidento de la respubliko | ||
| Komenco | 10-a de novembro 1920 vd | |
| Lando(j) | Aŭstrio vd | |
| Retejo | Oficiala retejo | |
Elektiĝo
redaktiLa federacian prezidanton elektas por sesjara periodo rekte ĉiuj aŭstroj balotrajtaj por la nacia konsilio. Reelektiĝo por la tuj sekva periodo eblas nur unufoje, kaj la prezidanto devas aĝi almenaŭ 35 jarojn. Anoj de "regantaj aŭ ekse regantaj familioj" ne povas prezidantiĝi.
La nuntempe (2012) lasta prezidant-baloto estis en 2010; tiam Heinz Fischer estis elektita al dua agperiodo.
Taskoj kaj povoj
redaktiLa prezidanto reprezentas Aŭstrujon kontraŭ la eksterlando kaj signas ŝtatajn kontraktojn. Formale la prezidanto estas la plej supera komandanto de la armeo.
La prezidanto nomumas la federacian registaron memstare kaj povas ankaŭ eksigi ĝin memstare; por eksigo de unuopaj anoj necesas propono de la kanceliero. La prezidanto povas post propono de la federacia registaro eksigi la nacian konsilion sed "nur unufoje pro la sama kialo", kaj ankaŭ ajnan landan parlamenton post propono de la federacia konsilio, same nur unufoje pro la sama kialo. Tiujn sufiĉe grandajn povojn la prezidanto tamen nur malofte uzas; ĝenerale la ĝisnunaj prezidantoj ne enmiksiĝis en ĉiutagajn politikajn aferojn.
Leĝojn devas subskribi la prezidanto, antaŭ ol ili validiĝas; la prezidanto ne rajtas rifuzi subskribi ilin pro enhavaj kialoj, sed nur se ili kontraŭkonstitucie kreiĝis.
Ĝisnunaj prezidantoj
redakti| Prezidanto | Vivtempo | Oficperiodo |
|---|---|---|
| Karl Seitz | 1869 – 1950 | 1918 – 1920 |
| Michael Hainisch | 1858 – 1940 | 1920 – 1928 |
| Wilhelm Miklas | 1872 – 1956 | 1928 – 1938 |
| Karl Renner | 1870 – 1950 | 1945 – 1950 |
| Theodor Körner | 1873 – 1957 | 1951 – 1957 |
| Adolf Schärf | 1890 – 1965 | 1957 – 1965 |
| Franz Jonas | 1899 – 1974 | 1965 – 1974 |
| Rudolf Kirchschläger | 1915 – 2000 | 1974 – 1986 |
| Kurt Waldheim | 1918 – 2007 | 1986 – 1992 |
| Thomas Klestil | 1932 – 2004 | 1992 – 2004 |
| Heinz Fischer | 1938 – | 2004 – 2016 |
| Alexander Van der Bellen | 1944 – | 2016 – |