Radio Vatikana

Radio Vatikana estas katolika radia stacio fondita en 1931. Nuntempe ĝi elsendas en ĉirkaŭ 40 lingvoj. Ĝiaj elsendoj entenas informojn pri la agado de la Papo, Vatikano kaj lokaj Eklezioj kaj novaĵoj religiaj kaj sociaj. En ĝi apartan lokon havas transmisioj de la preĝo Anĝeluso, ĝeneralaj aŭdiencoj kaj apostolaj vojaĝoj de la Papo.

Radio Vatikana
radiostacio international broadcasting (en) katolika organizaĵo
Komenco	12-a de februaro 1931 vd
Geografia situo	41° 54′ 11″ N, 12° 27′ 50″ O (mapo)41.90305555555612.463888888889
Lando(j)	Vatikano vd
Sidejo	Vatikano
Radio Vatikana (Centra Romo) DEC
Posedata de	Dicastery for Communication vd
Retejo	Oficiala retejo

Dua mondmilito

27.01.1940: Germana ambasadejo ĉe Apostola Seĝo postulis ke Radio Vatikana ĉesu aŭdigi alparolojn de elmigrintaj polaj episkopoj, la radio ĉi tage peris alparolon Al la nacio de Ignacy Jan Paderewski - laŭ Pariza "Głos Polski" (Voĉo de Pollando) germana radio dufoje akre atakis la Vatikanan pro raporto pri germanaj kruelaĵoj en Pollando.

Elsendoj en Esperanto

Ekde 1977 ĝi regule elsendas ankaŭ en Esperanto - komence unufoje, ekde 1980 dufoje kaj ekde 1998 trifoje semajne, aktuale de la 21:20 ĝis 21:30 horo (laŭ la leĝa tempo en Vatikano) en jenaj tagoj kaj frekvencoj:
Dimanĉe: 93,3 MHz (ultramallongonde);
merkrede kaj ĵaŭde: 1260 kHz (mezonde).

La esperantlingvaj elsendoj paŭzis post la 4-a de julio 2023, kiam Carlo Sarandrea retiriĝis kiel redaktoro kaj parolisto. Dum preskaŭ du monatoj oni tiam aŭdis anstataŭ esperantlingvaj raportoj nur klasikan muzikon. La 2-an de aŭgusto 2023 nova teamo, konsistanta el Marija Belošević, Edvige Ackermann kaj Elda Doerfler, daŭrigis la prizorgadon de la elsendoj.

Vidu ankaŭ

• Esperanto-radio

Eksteraj ligiloj

• Vatican News, Esperanto-Programo kun 12-monata arkivo de la elsendoj
• Arkivo de esperantaj elsendoj kun resumetoj estas daŭre ĝisdatigata, sed kun resumetoj nur ĝis la 14-a de januaro 2024.
• Resumetoj de la Esperanto-elsendoj regule aperas en [1]