Rafz

Ĝemelurboj
	Hetvehely vd

Rafz
	Blazono de Rafz
	Vilaĝeniro de Rafz
komunumo en Svislando • limurbo
Ĝemelurboj
	Hetvehely vd
Kantono	Zuriko
Distrikto	Bülach
Koordinatoj	47° 36′ 45″ N 8° 32′ 27″ O / 47.61250 °N, 8.54083 °O (mapo)Koordinatoj: 47° 36′ 45″ N 8° 32′ 27″ O / 47.61250 °N, 8.54083 °O (mapo)
Areo	10,74 km²
Alteco	419 m super marnivelo
Poŝtkodo	8197
Komunumkodo	0067
	Mapo de Rafz
	v • d • r

Por samtitola artikolo vidu la paĝon Rafz (stacidomo).

Rafz estas komunumo en la distrikto Bülach, Kantono Zuriko, Svislando. Ĝi havis 3795 loĝantojn je la 31-a de decembro 2007.

Geografio

Rafz situas sur ebenaĵo norde de la rivero Rejno, la tiel nomata Kampo de Rafz (germane Rafzer Feld), inter Bülach kaj Ŝafhaŭzo. Al al komunumo apartenas krom la vilaĝo Rafz mem la setlejoj Solgen, Chnübrechi, Eichenrütenen (kie situas la stacidomo), Hüslihof, Birkenhof kaj Rütihof.

La teritorio de la komunumo etendiĝas sur areo de 10,74 km², de kiuj 33% estas kovritaj de arbaro, 52% servas por agrikulturo kaj 11% por setlado; 4% estas trafiksurfaco. ^[1]

Najbaraj komunumoj

La komunumo Rafz limas en nordo al Jestetten (Baden-Virtembergo, Germanio), en oriento al Lottstetten (Baden-Virtembergo, Germanio), en sudoriento Rüdlingen (SH), en sudo Buchberg(SH), en sudsudokcidento al Eglisau, en okcidento al Wil, kaj en nordokcidento al Dettighofen (Baden-Virtembergo, Germanio).

Trafiko

Rafz situas sur la trajnlinio de la Svisaj Federaciaj Fervojoj de Zuriko tra Bülach al Ŝafhaŭzo kaj estas per ĝi bone konektita al la reto de la Zurika Trafik-Unio. Tra la komunumo pasas la grava kantona ĉefvojo n-ro 4 de Bülach tra germana teritorio al Ŝafhaŭzo. En Bülach la ĉefvojon daŭrigas la svisa aŭtovojo A52 al direkto de Zuriko.

Historio

La unua skriba mencio de Rafz datiĝas el donacdokumente de la jaro 870 verkita de Ludoviko la germano. Per ĝi li donacis la bienon Odilloz en Rafz al la Monaĥejo Rejnaŭo. En la jaro 1478 la voktrajtoj pri Rafz transiris al Eglisau. Kiam la urbo Zuriko en la jaro 1496 akiris Eglisaŭon ankaŭ Hüntwangen fariĝis zurika kiel parto de la voktdistrikto Eglisaŭ ĝis la jaro 1798. Per la franca invado dum la Helveta Respubliko Hüntwangen transiris al la nova distrikto Bülach, al kiu ĝi ankoraŭ hodiaŭ apartenas.