Ras el hanut

Ras el hanut (arabe: رأس الحانوت) estas magreba spico-miksaĵo el 20 aŭ pli da spicoj. Similajn spicmiksaĵojn oni uzas en Alĝerio, Maroko, Tunizio kaj aliaj landoj en Nord-Afriko kaj la Mez-Oriento.

Konsisto kaj uzado

Plejofte ĝi konsistas el interalie pimento, mirteloj, kardamomo, cinamo, kariofilo, kubebo, galango, zingibro, maciso, nigelo, muskato, nigra pipro kaj kurkumo. La plejmulto de la ingrediencoj estas rostitaj kaj poste fajne muelitaj. La miksaĵo havas brunan koloron kaj forte odoras. Ĉiu komercisto havas sian propran miksaĵon. Ekzistas tri konsistoj kiuj depende de la manĝaĵo kaj uzado estas miksataj: L'msagna, Lamrouzia kaj Monuza.

Ĝi estas uzata en ĉasaĵo, ŝaf(id)aĵo, kokaĵo, kuskuso kaj rizo.

Etimologio

La laŭvorta signifo de Ras el hanut estas "la ĉefo de la butiko": ras (رأس) signifas «ĉefo», hanut (حانوت) «butiko». Ĝusta traduko estas «la plej bona varo de la butiko».

Eksteraj ligiloj

Ras el hanut en la Vikimedia Komunejo (Multrimedaj datumoj)
Kategorio Ras el hanut en la Vikimedia Komunejo (Multrimedaj datumoj)

angle Chile Underground, The Secret of Ras el-Hanout: There Is No Secret (Trust Me) Arkivigite je 2012-12-31 per la retarkivo Wayback Machine, 19 nov. 2009
angle Saveurs et Cuisine du Maroc, Ras El Hanout – The Supreme Spice Mix Arkivigite je 2011-10-05 per la retarkivo Wayback Machine