Salouf

Salouf
Blazono de Salouf
Salouf kun Piz Toissa
former municipality of Switzerland • vilaĝo
Kantono	Grizono
Distrikto	Albulo
Komunumaro	Surses
Koordinatoj	46° 37′ 30″ N 9° 34′ 30″ O (mapo)
Nombro de loĝantoj	218
Areo	31,49 km²
Alteco	1258 m super marnivelo
Poŝtkodo	7462
Komunumkodo	3538
Mapo de Salouf

Pri la komunumo

Salouf (la malnova germanlingva nomo de la komunumo, kiu estis ĝis 1943 oficiala, estis Salŭ) estas komunumo de la komunumaro Surses kaj la distrikto Albulo en Kantono Grizono, Svislando. Ĝi havis 218 loĝantojn je la 31-a de decembro 2009.

Geografio

Salouf situas sur teraso oriente de la monto Piz Toissa, kiu kun alteco de 2657 m s.m. dominas la kulison de la komunumo. En la fundo de la valo de Surses la komunumo en oriento limas al la rivero Julio. Krom la vilaĝo Salouf mem apartenas al la komunumo ankaŭ la vilaĝetoj Pulens sur alteco de 1386 m s.m. kaj Del sur alteco de 1373 m s.m., Munter sur alteco de 1943 m s.m., kaj Ziteil, kie situas sur alteco de 2434 m s.m. la pilgrima preĝejo Vizito de Maria, kiu estas la plej alte situanta preĝejo en Eŭropo.

Najbaraj komunumoj

La komunumo limas en nordo al Mon, en oriento al Cunter, en sudo al Riom-Parsonz, en okcidento al Andeer, kaj en nordokcidento al Stierva.

Trafiko

Salouf situas ĉe la vojo 720.17, tio estas la malnova vojo al Juliopasejo, sur kiu hodiaŭ cirkulas nur malmulte da trafiko. Al la publika transportreto la komunumo estas konektita per poŝtaŭtolinioj al Savognin kaj Stierva.

Lingvoj

La plimulto de la loĝantaro parolas la romanĉan lingvon, nome ties surmiranan dialekton. Tamen ankaŭ en Salouf la elcentaĵo de germanlingvanoj dum la lastaj jardekoj forte kreskis. En la jaro 1980 ankoraŭ 88,54 % de la loĝantaro parolis la romanĉan. Okaze de la popolnombrado de la jaro 2000 ankoraŭ 77,56 % parolis kiel ĉeflingvon la romanĉan, dum 19,51 % parolis la germanan kaj 0,98 % la italan.

Historio

La unua dokumenta mencio de Salouf datiĝas el la jaro 1160 kiel Salugo. Sur la monteto Motta Vallac estis trovita setlejo el la Bronzepoko. La kavaliro Salugo, kiu menciiĝis en la jaro 1160, estis administranto de la grandkorto de la episkopejo Koiro.

Eksteraj ligiloj

• Salouf en la Historia Leksikono de Svislando  (germane, france, itale)

• Oficiala retejo de la komunumo Salouf

•  Vidu ankaŭ en la Vikimedia Komunejo la kategorion Salouf – (Kolekto de bildoj kaj plurmediaj dosieroj)

Bildoj

• 
  Pilgrima preĝejo Vizito de Maria en Ziteil, Salouf