Malfermi la ĉefan menuon

Pri la komunumoRedakti

Siat (malnova germanlingva kaj ĝis 1943 oficiala nomo Seth) estas komunumo de la komunumaro Ruis kaj la distrikto Surselva en Kantono Grizono, Svislando. Ĝi havis 181 loĝantojn je la 31-a de decembro 2009.

GeografioRedakti

Siat situas alte sur teraso norde de la Antaŭa Rejno en la supra parto de la Valo de Siat kaj entendiĝas al nordo ĝis preskaŭ al la Vorab-Glaĉero. Al la komunumo apartenas krom la vilaĝo Siat mem la setlejoj Bual, Glix, Schischiu, Cuolms da Siat kaj la alpopaŝtejo Alp da Siat.

Najbaraj komunumojRedakti

La komunumo Siat limas en nordo al Glaruso Sudo (GL), en oriento al Ruschein, en sudoriento al Schnaus, en sudo kaj sudokcidento al Rueun, kaj en nordokcidento al Pigniu.

TrafikoRedakti

Siat situas komplete flanke de la gravaj trafikvojoj. Al la komunumo kondukas veturebla vojo de Rueun. Al la publika transportreto Siat estas konektita per poŝtaŭtolinio al Ilanz.

LingvojRedakti

La oficiala lingvo de Siat estas la romanĉa, nome ĝia sursilvana dialekto.

HistorioRedakti

La unua dokumenta mencio de Siat datiĝas el la jaro 840 kiel Septe. Dum mezepoko Siat estis senjorujo de la Senjoroj de Friberg, kiuj en Siat havis sian prakastelon. La senjorujo Friberg fariĝis en la jaro 1343 havaĵo de la Baronoj de Rhäzüns. En la jaro 1458 la Grafoj de Zollern fariĝis la mastroj de Siat kaj en la jaro 1472 la Monaĥejo Disentis. Siat apartenis ĝis la jaro 1734 al la tribunalkomunumo Waltensburg kaj ek de tiam al la tribunalkomunumo Rueun. Dum la reformacio Siat konservis la katolikan kredon.[1]

Notoj kaj referencojRedakti

Eksteraj ligilojRedakti

BildojRedakti