Skryje (Dukovany)

Por aliaj signifoj, bv. rigardi la apartigilan paĝon: Skryje

Skryje estas pereinta vilaĝo, hodiaŭ parto de municipo Dukovany kiel unu el ties bazaj sidejunuoj. Skryje estas unuafoje menciata en la jaro 1502, ĝi pereis en la jaro 1980 pro konstruado de nuklea elektrejo Dukovany. Ties katastra teritorio Skryje nad Jihlavou estis alligita al Dukovany. La pereintan vilaĝon rememorigas en ties loko nur monumento al viktimoj de la unua mondmilito kaj kapelo.

Skryje
pereinta vilaĝo
Kapelo en Skryje
Oficiala nomo: Skryje
Ŝtato	Ĉeĥio
Regiono	Regiono Vysočina
Distrikto	Distrikto Třebíč
Administra municipo	Dukovany
Historia regiono	Moravio
Montaro	Jeviŝovica montetaro
Domoj	0
Situo	Skryje
- alteco	370 m s. m.
- koordinatoj	49° 05′ 33″ N 16° 08′ 37″ O (mapo)
Areo	4,8 km² (480 ha)
Loĝantaro	0
Unua skribmencio	1502
Horzono	MET (UTC+1)
- somera tempo	MET (UTC+2)
Pereo	1980
Situo enkadre de Ĉeĥio Situo enkadre de Ĉeĥio
Vikimedia Komunejo: Skryje (Dukovany)
Portalo pri Ĉeĥio

Parto de Skryje estis ankaŭ Lipňany, kiu estis ankaŭ detruita pro la konstruado de elektrejo.

Historio

Skryje etendiĝis apud ŝoseo ŝoseo II/152. Ties teritorio en nordoriento abrupte falis en valon de rivero Jihlava, kiun pli poste inundigis akvoj de akvobaraĵo Mohelno. Plej supre situanta loko de la katastra teritorio de Skryje estas en nordokcidento en vojo Liščí, proksimume 120 metroj super nivelo de la akvobaraĵo, absolute proksimume 420 m. s. m. Norde de la eksa vilaĝo elstaras monteto Háječný kopec (396 m s. m.).

Meze de la vilaĝo estadis domoj de tutkampanoj, grupigitaj ĉirkaŭ fiŝlageto. Duonkampanoj kaj kvaronkampanoj ĉirkaŭis vojon kondukanta al grandbieno kaj distilfarejo. Laŭlonge laŭ rojeto al arbaro loĝis domposedantoj kaj dometposedantoj. En la vilaĝplaco situadis kapelo konstruita en la jaro 1876. Norde de la vilaĝo apud Jihlava situadis skryja muelejo.

Skryje havadis sian lernejon kaj gimnastikejon, sian malsanulejon kaj ankaŭ mizeruldomon. El la tuta areo de la municipa teritorio falis 289 ha al kampo, 4,3 ha al herbejoj, 5 ha al ĝardenoj, 16 ha al paŝtejoj kaj 121 ha al arbaroj. En la ĉirkaŭaĵo inter ŝtonetoj de kvarco oni trovadis ankaŭ moldavitojn.

En la jaro 2017 sur loko, kie situis la vilaĝo, renkontiĝis naskiĝintoj el la vilaĝo, ili rememorigis al si problemojn kun transloĝigo kaj pli altan mortoftecon post la transloĝiĝo el la vilaĝo.

František Dvorský al la tuta atmosfero de regiono de Skryje diras:

	„ Ĉirkaŭaĵo ĉi tiea agrable agadas al veninto per tio, ke ĉiuj vojoj plantitaj estas per arbaroj fruktaj; entute estas popolo ĉi tiea laborema kaj ordema, sed ankaŭ konsciita, je kiom da grandaj meritoj akiris la mortinta luiganto de senjorula korto, patrioto František Rosenbaum. ”

Personecoj

• František Rosenbaum – deputito, komercisto, gastejestro kaj nacia renaskiganto

Rilataj temoj

• Nuklea elektrejo Dukovany
• Heřmanice kaj Lipňany – pluaj du sidejoj, kiuj ankaŭ cedis al konstruado de la nuklea elektrejo
• Akvobaraĵo Mohelno