Neckertal

Por samtitola artikolo vidu la paĝon Brunnadern-Neckertal (stacidomo).

Neckertal estas komunumo de la elektodistrikto Togenburgo en Kantono Sankt-Galo en Svislando. Ĝi havis 4151 loĝantojn dum ĝia fondiĝo je la 1-a de januaro 2009.

Neckertal
Blazono de Neckertal
Flago de Neckertal
Stacidomo Brunnadern-Neckertal
komunumo en Svislando
Kantono	Sankt-Galo
Distrikto	Elektodistrikto Togenburgo
Koordinatoj	47° 20′ 50″ N 9° 9′ 35″ O (mapo)
Nombro de loĝantoj	4151
Areo	49,03 km²
Alteco	660 m super marnivelo
Poŝtkodo	9125 Brunnadern 9122 Mogelsberg 9127 Sankt-Peterzell
Komunumkodo	3378
Mapo de Neckertal

Geografio

La komunumo Neckertal situas ĉe la bordo de la rivero Necker, laŭ kies valo la komunumo nomiĝas kaj kiu alfluas al Turo. La komunumo konsistas el la tri iamaj komunumoj Brunnadern, Mogelsberg kaj Sankt-Peterzell, al kiuj siavice apartenas multnombraj setlejoj kaj vilaĝetoj.

Najbaraj komunumoj

La komunumo Neckertal limas en nordo al Lütisburg, en nordoriento al Degersheim, en oriento al Schwellbrunn (AR), en sudoriento al Schönengrund (AR), en sudo al Hemberg, en sudokcidento al Wattwil, en okcidento al Oberhelfenschwil, kaj en nordokcidento al Ganterschwil.

Trafiko

Tra la komunumo pasas la trajnlinio de la Svisaj Sudorientaj Fervojoj de Rapperswil al Sankt-Galo, kiu disponas sur la komunumo teritorio pri stacidomo de Brunnadern kaj Mogelsberg. La komunumoparto Sankt-Peterzell estas konektita al la publika transportreto per la poŝtaŭtolinio de la stacidomo de Brunnadern tra Schönengrund al Herisau. Alia poŝtaŭtolinio kondukas de Sankt-Peterzell al Hemberg.

Tra la komunumo pasas la kantona ĉefvojo n-ro 8 de Wil al Herisau kaj la kantona vojo n-ro 30 de Wattwil al Brunnadern trans Wasserflue-Pasejo.

Historio

La komunumo estiĝis per kuniĝo de la ĝis tiam aŭtonomaj komunumoj Brunnadern, Mogelsberg kaj Sankt-Peterzell surbaze de publika baloto de la 21-a de oktobro 2007.

Vidu ankaŭ

• Brunnadern-Neckertal (stacidomo)
• Mogelsberg (stacidomo)

Eksteraj ligiloj

• Oficiala retejo de Neckertal
• Neckertal en la Historia Leksikono de Svislando

Bildoj

• 
  Preĝejo de Brunnadern
• 
  Necker ĉe Brunnadern
• 
  Katolika preĝejo de Sankt-Peterzell
• 
  Wald, komunumo Neckertal