Žaneta Fuchsová
Žaneta Tomášková (naskiĝis la 31-an de marto 1972 en Prago) estas ĉeĥa aktorino aktiva ekde la 5-a vivjaro, kiu internacie konatiĝis en la 8-a vivjaro kiel infana aktorino je sia denaska nomo Žaneta FUCHSOVÁ. Post plenkreskiĝo, ŝi post unua edziniĝo nomiĝis Žaneta Bukovská kaj post kiam ŝi komence de la jaro 2006 duan fojon edziniĝis havas sian nunan nomon.
| Žaneta Fuchsová | |
|---|---|
| Persona informo | |
| Naskiĝo | 31-an de marto 1972 (52-jaraĝa) en Prago |
| Lingvoj | ĉeĥa |
| Ŝtataneco | Ĉeĥio |
| Okupo | |
| Okupo | aktoro • infana aktoro • sekretario |
Jam ekde la aĝo de 5 jaroj, en 1977, ŝi aktoris en televidaj filmoj, kaj plej laste en 1980 ŝi internacie famiĝis; tiam ŝi korpigis la ĉefpersonon en la ĉeĥoslovaka-okcidentgermana porinfana televidserio »Luci, hororo de la strato« (»Lucie, postrach ulice«, »Luzie, der Schrecken der Straße«). Poste ŝi aktoris en pliaj porinfanaj televidserioj kaj filmoj. Intertempe ŝi iĝis reĝisora asistantino.
Filmografio (elekto) redakti
Ŝi aktoris:
- »Novinárske rozprávky« (en esperanta traduko »Ĵurnalaj fabeloj«, televida serio), 1977
- »Poštovský panáček« (en esperanta traduko »Leterportista bastonfiguro«), 1979
- »Nekonečná – nevystupovat« (en esperanta traduko »ne finstacio - ne eliru«), 1979
- »Kočičí princ«, »Der Katzenprinz« (en esperanta traduko »la kata princo«), kunproduktaĵo ĉeĥoslovaka-okcidentgermana (ŝtata filmproduktejo DEFA), 1979
- »Jak rodí chlap« (en esperanta traduko »Kiel viro naskas«), 1979
- »Housata« (en esperanta traduko »anaseto«), 1979
- »Luci, hororo de la strato« (»Lucie, postrach ulice«, »Luzie, der Schrecken der Straße«), kunproduktaĵo ĉeĥoslovaka-okcidentgermana, 1980
- »Julek«, 1980
- »Poeta« (en esperanta traduko »poeto«, mallonga filmo), 1980
- »Počítání oveček« (germanlingva titolo »Das Schäfchenzählen «, en esperanta traduko »Nombri ŝafojn«, televida filmo), 1981
- »Kaňka do pohádky« (germanlingva titolo »Ein Klecks ins Märchen«, en esperanta traduko »kolora makulo al fabelo«), 1981
- »Hlavní výhra« (en esperanta traduko »La ĉefa premio«, televida filmo), 1982
- »Ferdinando la fluganta« (»Létající Čestmír«, »Der fliegende Ferdinand«), kunproduktaĵo ĉeĥoslovaka-okcidentgermana, 1983
- »Vlak dětství a naděje« (en esperanta traduko »Vojo de infano kaj espero«), 1983
- »...a zase ta Lucie!« (en esperanta traduko »...kaj tiu Luci denove!«, televida filmo), 1984
- »Infanoj laŭ mendo« (»Bambinot«), 1984
- »La oktopodoj el la dua etaĝo« (»Chobotnice z II patra«, Die Kraken aus dem zweiten Stock«), kunproduktaĵo ĉeĥoslovaka-okcidentgermana, 1986
Ŝi estis reĝisora asistantino:
Eksteraj ligiloj redakti