Adrienne Bolland
|
Por samtitola artikolo vidu la paĝon Adrienne Bolland (Tramtransporto en Parizo). |
Adrienne Bolland, naskiĝinta la 25-an de novembro 1895 en Arcueil en departemento Val-de-Marne, mortinta la 18-an de marto 1975 en Parizo, estis franca aviadistino.
| Adrienne Bolland | |
|---|---|
 Adrienne Bolland en 1921 | |
| Persona informo | |
| Naskonomo | Adrienne Armande Pauline Bolland |
| Naskiĝo | 25-an de novembro 1895 en Arcueil |
| Morto | 18-an de marto 1975 (79-jaraĝa) en 16-a arondismento de Parizo |
| Tombo | Donnery 
|
| Lingvoj | franca |
| Ŝtataneco | Francio
|
| Familio | |
| Patro | Henri Boland (en) 
|
| Okupo | |
| Okupo | piloto
|
Biografio
redaktiŜi estis la plej juna el ses infanoj en sia familio. Ŝi ricevis sian pilot-diplomon la 26-an de januaro 1920 kaj poste atingis serion da sukcesoj :
- unua virina prov-piloto dungita de la « socio de aviadiloj Caudron » en februaro 1920.
- dua virino transfluginta la Manikan Markolon la 25–an de aŭgusto 1920.
- unua virino transfluginta la Andojn la 1-an de aprilo 1921.
- rekordo de lopoj en 1924 kun 212 lopoj en 72 minutoj. Poste en intervjuo donita al la magazino « Icare » ŝi konfidis, ke ŝi ne konsideras tion kiel rekordon, ĉar ŝia celo estis venki la 1111 lopojn de la tiama vira rekordo. Sed ŝia aviadilo ne rezistadis.
Transflugo de Andoj
redaktiAlveninte per ŝipo en Bonaeron en januaro 1921 kun sia mekanikisto Duperrier, ŝi vane atendis pli efikan aviadilon promesitan de unu el la fratoj Caudron. Do ŝi decidis flugi per sia Caudron G3, kiu kapablis atingi nur la altitudon de 4200 metroj. Laŭ sia posta intervjuo al la gazeto « Icare » ŝi estis tro maldike vestita kaj tre suferis pro malvarmeco dum la transflugo. Ekfluginte de Mendoza en Argentino, ŝi flugis ĝis la altitudo de 4500 metroj, malfermante novan flugvojon. Post 3 horoj kaj 15 minutoj, ŝi surteriĝis en Santiago de Chile en Ĉilio. Ŝi estis triumfe akceptita de la ĉiliaj aŭtoritatuloj. Sed ne ĉeestis la franca ambasadoro, kiu pro la dato de 1-a de aprilo, opiniante ke temis pri ŝerco, ne venis al la flughaveno. [1]
Flugprezentadoj
redaktiEkde 1920 kun kunteamanoj, ŝi faris seriojn da flugprezentadoj ĉie en Francio. La vivkondiĉoj estis malfacilaj. Por allogi la spektantojn, okazis flugbaptoj, aerobatikoj, kaj saltoj de paraŝutistoj. En 1930 je mitingo en Nico, ŝi konatiĝis kun alia piloto Ernest Vinchon, kun kiu ŝi edziniĝis. De tiam ili kunlaboris.
Bataloj
redaktiEn 1934, ŝi engaĝiĝis kun aliaj aviadistinoj Maryse Bastié kaj Hélène Boucher en la feminisman batalon por la voĉdonrajto en la movado iniciatita de Louise Weiss.
Dum la Dua mondmilito sub la germana okupacio ŝi aktive partoprenis en la Rezistado (reto Castille).
Ŝi vivis longtempe en Parizo kaj estis entombigita en la tombejo de Donnery en la departemento Loiret, devena vilaĝo de ŝia familio.
Honoraĵoj
redakti- Poŝtmarko je ŝia bildo en 2005.
- Liceo kaj vojo je ŝia nomo en pluraj lokoj.
- Haltejo Adrienne Bolland de tramvojo T3b en Parizo.
Referencoj
redakti- ↑ En Francio la 1-an de aprilo fari diversajn ŝercojn estas kutimo.
Eksteraj ligiloj
redakti- Intervjuo de Adrienne Bolland al la gazeto Icare Arkivigite je 2009-04-18 per la retarkivo Wayback Machine