Malfermi la ĉefan menuon

Pri la komunumoRedakti

Amriswil estas urbo kaj komunumo de la distrikto Arbon (ĝis la 31-a de de decembro 2010 de la distrikto Bischofszell) de Kantono Turgovio, Svislando. Ĝi havis 11517 loĝantojn je la 31-a de decembro 2007.

GeografioRedakti

Amriswil situas ĉe la sude de la montoĉeno Seerücken meze inter Weinfelden kaj Romanshorn. La urbo konsistas el la municipoj Amriswil, Biessenhofen, Hagenwil, Hemmerswil, Mühlebach ĉe Amriswil, Oberaach, Räuchlisberg kaj Schocherswil.


Najbaraj komunumojRedakti

Amriswil limas en nordo al la komunumoj Sommeri kaj Hefenhofen, en oriento al Salmsach kaj Egnach, en sudo al Muolen (Kantono Sankt-Galo) kaj Zihlschlacht-Sitterdorf, kaj en okcidento al Erlen.

TrafikoRedakti

Amriswil situas ĉe la trajnlinio de Svisaj Federaciaj Fervojoj de Ĝenevo tra Bielo, Zuriko, Vinterturo kaj Weinfelden al Romanshorn. Pluraj poŝtaŭtolinioj konektas la urbon Amriswil kun la ĉirkaŭaj vilaĝoj.

HistorioRedakti

La unua dokumenta mencio de Amriswil datiĝas el la jaro 799 kiel Amalgeriswilare.

Esperanto-MovadoRedakti

Instruis Esperanton en Amriswil en la 1920-aj jaroj Fritz Semmle (n. 1896 kaj m. 1996), kiu estis unu el la unua baha-anoj de Svislando kaj kiu korespondis kun Lidia Zamenhof, kiu lin siatempe foje vizitis en sia hejmo.

Ek de la 1930-aj jaroj aktivis en Amriswil la arkitekto Fanz Rispy (n. 1903 kaj m. 1972), kiu estis tie UEA-delegito.¹

FontojRedakti

¹ Enciklopedio de Andreas E. Künzli Universalaj Lingvoj en Svislando (p.  681)

Eksteraj ligilojRedakti