Malfermi la ĉefan menuon

Arikapalli Giridhar Rao

Barata esperantisto
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Arikapalli Giridhar RAO (n. 8an de oktobro 1963 en Vijayawada, Andra-Pradeŝo) estas barata esperantisto. En 1994 li doktoriĝis en la Universitato de Hajderabado en la angla fakultato per disertacio titolita Beyond the Sense of Wonder: Science Fiction as Adventure Fiction (“Trans la sento de miro: la sciencfikcio kiel aventura fikcio”). Dum tiu epoko, konversacioj kun Probal Dasgupta pri la sciencfikcio enkondukis lin al Esperanto. Li nun instruas kursojn pri Esperanto, la sciencfikcio, kaj lingvopolitiko kaj plurlingva edukado en la Universitato Azim Premji en Bengaluro, Barato. [1]

Arikapalli Giridhar Rao
2015 Giridhar Rao portreto.jpg
Persona informo
Naskiĝo 8-an de oktobro 1963 (1963-10-08) (55-jara)
en Vijajaŭada
Lingvoj Esperanto
Ŝtataneco Barato
Profesio
Profesio esperantisto
v  d  r
Information icon.svg

En 2016 li estis elektita al la Akademio de Esperanto. En la UK 2013 en Rejkjaviko li pro sia multflanka Esperanto-agado en la faka, instrua-ekzamena kaj organiza kampoj estis honorigita per la Diplomo pri Elstara Agado de UEA. [2]

En 2015 li fondis la Esperanto-klubon en la Universitato Azim Premji. En 2017 la klubo kunorganizis (kunekun FEB, KAEM kaj UEA) SAS-4, la 4an Sud-Azian Seminarion.

Eksteraj ligilojRedakti

ReferencojRedakti