Dukolora paruo
La Dukolora paruo, Baeolophus bicolor, estas eta kantobirdo de Nordameriko, specio de la familio de Paruedoj. La Nigrakresta paruo, troviĝanta el centra kaj suda Teksaso suden, estis inkludita kiel subspecio sed ĝi estas nune konsiderata separata specio nome B. atricristatus.
 | ||||||||||||||
|---|---|---|---|---|---|---|---|---|---|---|---|---|---|---|
 Dukolora paruo
.jpeg) | ||||||||||||||
| Biologia klasado | ||||||||||||||
| ||||||||||||||
| Baeolophus bicolor (Linnaeus, 1766) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto redakti
Tiuj birdoj havas grizajn suprajn partojn kaj blankecajn subajn partojn (kaj de tie devenas la nomo kaj en Esperanto kaj en la latina scienca nomo kie bicolor signifas fakte "dukolora") kun blanka vizaĝo kie kontrastas la malhela okulo, griza kresto, malhela frunto kaj mallonga fortika beko; ili havas ruĝecajn flankojn kaj ankaŭ grizajn gambojn. La kanto estas kutime priskribita kiel fajfa peter-peter-peter (por angloparolantoj) aŭ "pita-pita-pita". Ili faras ĉiukaze varion de diferencaj sonoj, plejparte havante similan tononkvaliton.
Kutimoj redakti
Ili nutras sin aktive sur branĉoj, foje surgrunde, ĉefe manĝante insektojn, ĉefe raŭpojn, sed ankaŭ semojn, nuksojn kaj berojn. Ili stokas manĝaĵojn por posta uzado. Dukoloraj paruoj tendencas esti scivolemaj pri la homaj najbaroj kaj povas esti vidataj ĉe fenestrembrazurojn rigardante kio okazas ene. Ili estas pli timidaj ĉe birdomanĝejoj; ties normala kutimo estas vigli la manĝejon el kaŝejo en arboj aŭ arbustoj, flugi al la manĝejo, preni semon kaj ekflugi reen al kaŝejo por manĝi ĝin tie.
Dukoloraj paruoj nestumas en arbotruo, ĉu en natura kavaĵo aŭ foje en malnova nesto de pego. Ili kovras la neston per mildaj materialoj, foje plukante harojn el vivanta animalo kiel hundo. Se ili trafas sekan serpentohaŭton, ili klopodas uzi pecojn en sia nesto.[1] Foje birdo naskita la pasintan jaron restas por helpi siajn gepatrojn zorgi la venontan idon. La paro povas resti kune kaj defendi sian teritorion la tutan jaron. Tiuj birdoj estas konstantaj loĝantaj birdoj kaj ofte aliĝas al etaj miksitaj aroj vintre.
Habitato kaj disvastiĝo redakti
La habitato estas decidua kaj miksita arbaro krom ĝardenoj, parkoj kaj arbustejoj[2] en orienta Usono; ili iomete teritorias en sudorienta Kanado en la regiono de la Grandaj Lagoj. Ili estas tutjare loĝantaj birdoj en la areo de la Nordamerikaj Grandaj Ebenaĵoj, la Grandaj Lagoj, la Golfo de Meksiko kaj la Atlantiko. La teritorio etendiĝas norden, eble pro pliiĝanta disponeblo de vintra manĝo ĉe birdomanĝejoj. Eble ankaŭ tutmonda varmiĝo estas kiala faktoro; tiuj birdoj estas nuntempe loĝantaj la tutan jaron eĉ en rura Ohio kie estas malmultaj birdomanĝejoj, dum estis priskribita ĉirkaŭ 1905 ke multaj birdoj el tiuj areoj migris suden vintre.[3]
Referencoj redakti
- BirdLife International (2004). Baeolophus bicolor. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej zorgiga
- Henninger, W.F. (1906): A preliminary list of the birds of Seneca County, Ohio. Wilson Bulletin 18(2): 47-60. DjVu plena teksto Arkivigite je 2011-06-06 per la retarkivo Wayback Machine PDF plena teksto Arkivigite je 2008-02-29 per la retarkivo Wayback Machine
- Medlin, E.C. & Risch, T.S. (2006) An experimental test of snake skin use to deter nest predation [Angla kun hipana resumo]. Condor 108(4): 963-965. DOI:10.1650/0010-5422(2006)108[963:AETOSS]2.0.CO;2 HTML resumo Resumo ĉe conservationevidence.com Arkivigite je 2009-01-03 per la retarkivo Wayback Machine
- Ohio Ornithological Society (OOS) (2004): Annotated Ohio state checklist. Versio de aprilo 2004. PDF plena teksto Arkivigite je 2004-07-18 per la retarkivo Wayback Machine
Eksteraj ligiloj redakti
- Filmetoj de Dukolora paruo ĉe Interreta Birdokolekto
- Speciinformaro de Dukolora paruo – Laboratorio Cornell de Ornitologio
- Dukolora paruo - baeolophus bicolor - USGS Patuxent Birdidentigejo
- Informaro pri Dukolora paruo - Sudakotaj Birdoj kaj Birdumado
- Bildoparo