Beethoven (filmo)

Beethoven estas usona prifamilia komedia filmo de 1992, reĝisorita de Brian Levant en kiu stelulas Charles Grodin kaj Bonnie Hunt kiel George kaj Alice Newton, respektive. Ĝi estas la unua filmo el ok ĝis 2014 de la filmoserio "Beethoven".

Beethoven
Hummel Vedor vd Robandahoeve.jpg
Originala titolo Beethoven
Originala lingvo angla lingvo
Kina aperdato 1992, 9 apr. 1992
Ĝenro komedia filmo, kristnaska filmo, porfamilia filmo
Kameraado Victor J. Kemper
Reĝisoro(j) Brian Levant
Produktisto(j) Joe Medjuck · Michael C. Gross · Ivan Reitman
Scenaro John Hughes · Amy Holden Jones
Muziko de Randy Edelman
Ĉefrolantoj Charles Grodin · Bonnie Hunt · Dean Jones · Oliver Platt · Stanley Tucci · Nicholle Tom · Christopher Castile · Sarah Rose Karr · David Duchovny · Patricia Heaton · Joseph Gordon-Levitt · Laurel Cronin · Melora Walters · Nancy Fish · O-Lan Jones · Patrick LaBrecque · Richard Portnow · Cirroc Lofton
Produkto Northern Lights Entertainment · Universal Studios
IMDb
Information icon.svg
vdr

La filmo estis verkita de John Hughes (sub la pseŭdonimo Edmond Dantès, rolulo de la franca romano La grafo de Montekristo) kaj Amy Holden Jones. La historio centriĝas al San-Bernarda hundo nomita laŭ la komponisto Ludwig van Beethoven kaj posedita de la familio Newton. En la filmo kunstelulas Nicholle Tom kiel Ryce Newton, Christopher Castile kiel Ted Newton, Sarah Rose Karr kiel Emily Newton, Stanley Tucci kiel Vernon, Oliver Platt kiel Harvey, kaj Dean Jones kiel Dr. Herman Varnick. La filmomuziko estis tiu komponita de Ludwig van Beethoven mem.

Tiu filmo rakontas la historion de hundido San-Bernarda kiu post hazardo en vendejo de dorlotbestoj, kie ĝi estis vendota, fuĝas el maliculoj kaj venas ĉe la familio Newton. La infanoj tute volas tuj adopti ĝin, sed la patro malpretas. La hundo, nomita Beethoven ĉar li bojis al la 5-a simfonio de Beethoven, faris, ke Ted ekestu respektata en la lernejo, ke Emily, la plej juna, evitu dronon en la ĝardena naĝejo, kaj ke Ryce, nepopulara adoleskuliuno estu finfine atentita de Mark, la donĵuano de la lernejo. Ĉio ŝajnas bone en ordo, ke eĉ George ekŝatas la hundon. Sed la veterinaro de la familo estas reale malica krimulo kiu serĉas hundojn por pratiki eksperimentojn kaj muntas komploton por rekuperi Beethoven.