Brian Urquhart

Brian Urquhart (n. la 28-an de februaro 1919 - m. la 2-an de januaro 2021) estis brita diplomato. Li estis grava en la fondo de la Unuiĝintaj Nacioj. Li estis i.a. asista Ĝenerala Sekretario de la Unuiĝintaj Nacioj de 1971 ĝis 1985.

Brian Urquhart
Persona informo
Naskiĝo	28-an de februaro 1919 (1919-02-28) en Bridport
Morto	2-an de januaro 2021 (2021-01-02) (101-jaraĝa) en Tyringham
Lingvoj	angla vd
Ŝtataneco	Unuiĝinta Reĝlando (Britio) vd
Alma mater	Christ Church College Westminster School vd
Familio
Patro	Murray McNeel Caird Urquhart (en) vd
Patrino	Bertha Rendall (en) vd
Profesio
Okupo	diplomato verkisto vd
Postenoj Postenoj Under-Secretary-General of the United Nations (en) (1971–1985) vd
Honorigoj Honorigoj (1991)  Premio Zamenhof (1988)  Pacpremio Wateler  Sergio Vieira de Mello Citizen of the World (en)  Premio por la Kvar Liberecoj: Libereco de Timo  Kavaliro Komandoro de la ordeno de Sankta Miĥaelo kaj Sankta Georgo  Membro de la Ordeno de la Brita Imperio vd
vd	Fonto: Vikidatumoj

Unuiĝintaj Nacioj

En 1945, Urquhart estis inkluzivita en la brita diplomatia delegacio por la fondo de la Unuiĝintaj Nacioj. Li tiam aliĝis al UN. Post kiam Dag Hammarskjold ekoficis kiel ĝenerala sekretario de UN en 1953, Urquhart ricevis gravan rolon kiel konsilisto.

Post la eksplodo de la Sueza krizo en 1956, li ricevis gvidan rolon en la formado de la unua pacprotektaj trupoj de UN, kiuj celis teni israelajn kaj egiptajn fortojn dise en la regiono de Sinajo. Urquhart elpensis la ideon de bluaj kaskoj kiel distingilo por la pacistoj de UN.

En la 1960-aj jaroj li estis en Kongo por la UN, kie li estis kidnapita kaj torturita. Poste, kiel asista ĝenerala sekretario de UN, li respondecis pri kelkaj pacoperacioj.

Honoraj premioj

Urquhart ricevis interalie la Ordenon de la Brita Imperio kaj en 1984 li ankaŭ ricevis la Four Freedoms Award..

Esperanto

En 1991 li ricevis la honoran Premion Zamenhof.

Verkaro

Urquhart verkis multajn librojn, precipe post sia emeritiĝo. Ekzemple, kune kun Erskine B. Childers, li priskribis kiel UN povus esti pli efika.

• Hammarskjöld, biografio, 1972
• A Life in Peace and War, auxtobiografio, 1987
• Decolonization and World Peace, 1989
• A World in Need of Leadership: Tomorrow's United Nations, 1990
• Towards a More Effective United Nations, 1991
• Renewing the United Nations System, kun Erskine B Childers, Dag Hammarskjöld Foundation, 1994
• A World in Need of Leadership: Tomorrow's United Nations, kun Erskine B Childers, Ford Foundation, New York, 1996.

Vidu ankaŭ

Premion Zamenhof.