Distrikto Wągrowiec
La distrikto Wągrowiec (pole: Powiat Wągrowiecki) estas distrikto en Grandpollando en Pollando. Oni establis ĝin en la jaro 1999 kadre de la administracia reformo. Ĉefurbo estas la samnoma urbo Wągrowiec [Vongrovjec]. Fine de 2019 en la distrikto vivis 70 233 loĝantoj.
| Distrikto Wągrowiec | |||
| Pola nomo | Powiat Wągrowiecki, Distrikto Wągrowiec | ||
| |||
| |||
|---|---|---|---|
| Distrikto | |||
| Provinco | Grandpollando | ||
| Ĉefurbo | Wągrowiec (legu: Vongrovjec) | ||
| Kvanto de komunumoj: | |||
| urbaj | 1 | ||
| urbo-kampaj | 2 | ||
| kampaj | 4 | ||
| Urbeco | 47 | ||
| Areo | 1040,8 km2 | ||
| Loĝantaro | 70233 (en 2019) | ||
| Loĝdenso | 67/km2 | ||
| Aŭtokodo | PWA | ||
| TERYT | 4.30.38.28.00.0 | ||
| Adreso de estraro | ul. Kościuszki 15 | ||
| Poŝtkodo de estraro | 62-100 | ||
| Telefono de estraro | 67 262-01-68 | ||
| Fakso de estraro | 67 262-01-68 | ||
| Retpaĝaro de distrikto | http://www.wagrowiec.pl | ||
La distrikto situas en la nord-orienta parto de la vojevodio Grandpollando. Ĝi okupas la surfacon de 1040,8 km² kaj situas en la historie etnografia regiono nomata Pałuki (legu: Paŭuki), sur la kruciĝo de itinero de Piastoj kun itinero de Cistercianoj. Ĝi estas loĝata de pli ol 70 mil loĝantoj en la komunumoj de Wągrowiec, Skoki, Gołańcz [Goŭanjĉ], Damasławek [Damasŭavek], Mieścisko [Mjeŝcjisko], Wapno [Vapno] kaj la urbo Wągrowiec.
Historio
redakti- Pri la historio de la distrikto vidu en koncerna ĉapitro de la urbo Wągrowiec.
Turismo
redaktiLa distrikto troviĝas en la nord-orienta parto de Grandpollando, grandparte en historia kaj etnografia regiono Pałuki [Paŭuki]. La terenon formis retiriĝanta glaĉero. La teritorion karakterizas amika naturĉirkaŭaĵo, beleco de la naturo kaj pitoreskaj pejzaĝoj. Troviĝas ĉi tie multaj lagoj, kio kreas bonajn kondiĉojn por ripozo kaj akvosportoj kiel kajaksporto, velado, boatado, motorboatado, akvoskoterado kaj ankaŭ ventsurfado. Ĉi tie estas ankaŭ paradizo por fiŝhokistoj; la lagoj abundas je fiŝoj - angiloj, plotoj, ezokoj, bramoj, tinkoj. Plimulton da distriktaj lagoj ĉirkaŭas arbaroj, en kiuj bone markitaj piedaj kaj biciklaj itineroj invitas kaj instigas por aktivado ne nur la lokan loĝantaron, sed ankaŭ turistojn.
Arbaroj okupas 19.622 ha, tio estas 18,89% de la tuta areo de la distrikto.
La distrikto estas tereno malmulte medipoluciita. Troviĝas ĉi tie kelkaj interesaj naturprotektataj terenoj - la arbara, "Dębina" ("Kverkejo"), kiu situas kelkajn kilometrojn de la distrikta ĉefurbo. Tiu naturrezervejo okupas la areon de 40 ha kaj sur ties tereno troviĝas proksimume 300-jaraĝaj kverkoj. Inter ili la plej grandioza estis agnoskita kiel naturmonumento kaj ricevis la nomon Wojciech Korfanty. Krom la kverkoj kreskas tie ankaŭ aliaj arboj - tilioj, ulmoj, aceroj, fagoj, platanaceroj kaj en la suba arbarkreskaĵo troviĝas protektataj specioj de sovaĝaj floroj kaj plantoj, ekzemple unuflora meliko, koridalo, birdonesta orkideo. En la arbaro trovas loĝlokon ankaŭ diversaj specioj de birdoj, inter ili griza ardeo kaj migra falko.
Sur la tereno de la lagoj de Bracholin (Braĥolin) troviĝas rezervejo de faŭno, en kiu troviĝas 139 specioj de birdoj, en tiu nombro 68 estas specioj ĉi tie nestantaj kiel ekzemple tre malofte renkontata lana anaso, griza ansero, kelkaj specioj de podicipoj kaj ankaŭ marĉa strigo.
La distrikton trafluas kvar riveroj: Wełna (Veŭna), Nielba (Njelba), Struga Gołaniecka (Struga Goŭanjecka) kaj Mała Wełna (Malgranda Veŭna). Du el ili - Nielba kaj Wełna - kruciĝas, kreante unikan hidrografian fenomenon, nomatan populare sed false forkiĝo: malgraŭ la kruciĝo, ĉiu rivero gvidas sian propran akvon, nur malgranda kvanto de la akvo miksas sin.
Statistikaj donitaĵoj
redaktiLa distrikto okupas la areon de 1040,8 km² kaj estas unu el la pli grandaj distriktoj de Grandpollando. Loĝas en ĝi pli ol 68 miloj da loĝantoj.
Konsistigas ĝin 7 komunumoj:
- La Urba Komunumo Wągrowiec
- Urbo-vilaĝaj komunumoj - Gołańcz (Goŭanjĉ), Skoki.
- Vilaĝaj komunumoj - Damasławek (Damasŭavek), Mieścisko (Mjeŝcjisko), Wapno (Vapno), Wągrowiec
Ĝemelaj urboj, distriktoj kaj komunumoj
redakti
Schönwalde-Glien, Brandenburgio en Germanio- Adendorf, Antaŭpomerio en Germanio
Gyula, Hungario
Krasnogorsk en Rusio
Le Plessis-Trévise en Francio- distrikto Lüneburg en Germanio
-
Kruciĝo de la riveroj Njelba kaj Veŭna -
Jakub Wujek, aŭtoro de la traduko de la Biblio en la polan lingvon. -
Titolpaĝo de la Biblio de Jakobo Wujek, la 1-a eldono, 1599
