Evgenij Prigoĵin
Evgenij Viktoroviĉ Prigoĵin (ruse Евгений Викторович Пригожин, scienca transliterumo Evgenij Viktorovič Prigožin, prononco [Jevgenij Viktoroviĉ Prigoĵin]; naskiĝis la 1-an de junio 1961 en Sankt-Peterburgo, Rusa SFSR, Sovetunio — mortis la 23-a de aŭgusto 2023 en Bologoje distrikto, Tverja provinco, Rusio) estis rusia entreprenisto kaj privatmilitisto, estro de la Grupo Wagner.[1] Krom sia manĝoservo Konkord, li administris la solan privatan restoracion en la konstruaĵo de la Rusia Parlamento; ĝia ekonomia sukceso estis rilata al patroneco fare de la prezidanto Vladimir Putin. Li estis akuzita je implikiĝo en sekretaj propagandaj agadoj de la rusa registaro; li ankaŭ estis la estro de la grupo Wagner, paramilitista (aŭ kvazaŭarmea) rusia organizaĵo fondita en 2014 de Dmitrij Utkin, do konsideriĝas gvida soldulo aŭ dungosoldato.
| Evgenij Prigoĵin | |
|---|---|
.jpg)
| |
| Persona informo | |
| Naskiĝo | 1-an de junio 1961 en Sankt-Peterburgo |
| Morto | 23-an de aŭgusto 2023 (62-jaraĝa) en Kuzhenkino |
| Mortokialo | aviadila akcidento |
| Tombo | Porokhovskoye Cemetery |
| Lingvoj | rusa |
| Ŝtataneco | Sovetunio • Rusio |
| Alma mater | Sankt-Peterburga Ŝtata Kemia-Farmamacia Akademio • Sankt-Peterburga kolegio de la Olimpika rezervo N. 1 |
| Familio | |
| Patrino | Violetta Prigozhina |
| Edz(in)o | Ljubov Valentinova Prigoĵina |
| Infanoj | Polina Prigoĵina • Pavel Prigoĵin • Veronika Prigoĵina |
| Parencoj | Efim Iliĉ Prigoĵin |
| Okupo | |
| Okupo | restoraciestro • provizanto de restoraciaj manĝaĵoj • entreprenisto • soldulo • militestro • gastejestro • ilustristo • miliardulo |
En la invado de Rusio en Ukrainion dum 2022-2023, en kiu Prigoĵin estis implikita kun siaj Wagner-trupoj, li venis en konflikton kun la ministerio pri Defendo de la Rusia Federacio. La 23-an de junio 2023 li alvokis al ribelo kontraŭ la armea gvidado kaj baldaŭ post noktomezo marŝis kun la Wagner-trupoj en la urbojn Rostovo ĉe Dono kaj Voroneĵ; vespere de la 24-a de junio li interrompis la ribelon de la Wagner-grupo supoze post la mediacio de la belorusa prezidento Aleksandro Lukaŝenko.
Morto redakti
Laŭ datumoj de TASS, Prigoĵin pereis dum aviadila akcidento la 23-an de aŭgusto de 2023 jaro en Tverja provinco de Rusio.[2]
Referencoj redakti
- ↑ Maksim Kirejev: artikolo "Evgenij Prigoĵin - fariĝas streĉe por la militestro de Putin"[rompita ligilo] germanlingve en la gazeto Die Zeit, la 16-an de junio 2023
- ↑ Seddon (08 2023). Yevgeny Prigozhin in fatal plane crash, Russian officials say. Financial Times.
- En unua versio de tiu teksto la 26-an de junio 2023 uziĝis traduko de la komenco de la koncerna germanlingva vikipedia teksto.