Franz Lackner

Honorigoj
Honorigoj	Granda Ora Ordeno de Stirio ; vd

Postenoj
Postenoj	romkatolika ĉefepiskopo de Salcburgo (2013–); helpa episkopo (2002–2013); titulara episkopo (2002–2013) vd

**Franz Lackner**
Franz Lackner
	ĉefepiskopo de Salcburgo
Regado	2013-
Antaŭulo	Alois Kothgasser
Persona informo
Naskiĝo	14-an de julio 1956 (68-jaraĝa); en Feldbach
Religio	katolika eklezio vd
Etno	aŭstroj vd
Ŝtataneco	Aŭstrio vd
Profesio
Okupo	katolika episkopo (2002–); katolika sacerdoto (1991–); universitata instruisto ; teologo vd
Postenoj
Postenoj	romkatolika ĉefepiskopo de Salcburgo (2013–); helpa episkopo (2002–2013); titulara episkopo (2002–2013) vd
Honorigoj
Honorigoj	Granda Ora Ordeno de Stirio ; vd
Membrecoj
Membrecoj	KÖStV Babenberg Graz (en) vd
vd	Fonto: Vikidatumoj
	v • d • r

Franz LACKNER OFM (naskiĝinta Anton Lackner en la 14-a de julio 1956 en Feldbach) estas aŭstra teologo kaj salcburga ĉefepiskopo ekde 2013. Ekde 2015 li estas vicestro de la Aŭstra episkoparkonferenco. Li portas la honorajn titolojn Primas Germaniae kaj Legatus natus.

Vivo

Lackner pasigis la junajn jarojn en St. Anna am Aigen (Distrikto Feldbach) kaj ricevis trejnadon kiel elektristo . Du fojojn li estis po duonan jaron soldato de la Pactrupoj de Unuiĝintaj Nacioj sur Kipro en 1978 kaj en 1979. De 1979-84 li frekventis la porplenkreskulan gimnazion en Horn (Distrikto Horn).

En la 16.9.1984 Lackner komencis la novicadon ĉe la franciskanoj en Salcburgo. Votojn monakajn li faris en la 16.9.1985 (nedaŭran) kaj en la 2.9.1989 (porĉiaman). En la 21.6.1991 li ordinitis pastro. Lackner kontinuigis la studojn ĉe la ordena altlernejo Antonianum en Romo kaj doktoriĝis per la disertacio Einheit und Vielheit bei Duns Scotus. Poste li deĵoris kiel profesoro pri metafiziko samloke.

En la 7.4.1999 Lackner nomumitis estro por la viena franciskana provinco. Krome li laboris ĉe la altlernejo filozofia-teologia en Heiligenkreuz. En la 23.10.2002 Lackner iĝis helpepiskopo en la diocezo Graz-Seckau kaj titulara episkopo de Balecium. Kiel devizon li prenis verseton el la evangelio laŭ Johano (3.30): Illum oportet crescere / Necesas ke Li pligrandigatu. En la 8.9.2003 Lackner iĝis episkopara vikario por la temoj diakoneco kaj klerikaj karieroj. De novembro 2003 ĝis junio 2009 li krome responsis pri porinfana kaj porjunulara animzorgadoj kaj - ĝis marto 2015 - pri sporto. Lackner mem estas entuziasma maratonisto.

Ĉefepiskopeco

La salcburgaj katedralkapitulanoj elektis Lackner kiel posteulon de Alois Kothgasser, kion konfirmis la aŭstra registaro en la 13.11.2013. Oficiala nomumo papa estis en la 18.11.2013 kaj solena ofictranspreno faritis en la Katedralo de Salcburgo en la 12.1.2014. La paliumon li ricevis en la 29.6.2014, kio estas speciala honoro por metropolitoj.

En februaro li kritiketis - sen rekte rilati al la helpepiskopo Andreas Laun - ambiguajn eltiraĵojn el prelego de tiu ĉi el kiu kelkaj aŭskultantoj volis konkludi komparon de krimoj naziaj kun samseksemo. Tian intencon Laun poste publike neis.^[1]