Heinrich Christian Boie
Heinrich Christian Boie (prononco [HAJNrih KRIStjan BOje], naskiĝis la 19-an de julio 1744 en Meldorf - mortis la 25-an de februaro 1806 samloke) estis germana verkisto kaj eldonisto.
| Heinrich Christian Boie | |||||
|---|---|---|---|---|---|
| |||||
| Persona informo | |||||
| Heinrich Christian Boie | |||||
| Naskiĝo | 19-an de julio 1744 en Meldorf | ||||
| Morto | 3-an de marto 1806 (61-jara) en Meldorf | ||||
| Lingvoj | germana [#] | ||||
| Ŝtataneco | Germanio [#] | ||||
| Alma mater | Universitato de Göttingen • Friedrich-Schiller-Universitato Jena [#] | ||||
| Familio | |||||
| Infanoj | Friedrich Boie • Heinrich Boie [#] | ||||
| Profesio | |||||
| Okupo | poeto • ĵurnalisto • verkisto • literaturkritikisto [#] | ||||
| |||||
| [#] | Fonto: Vikidatumoj | ||||
Li naskiĝis ĉe Meldorf en Holstinio (tiutempe parto de la dana monarkio). Studinte juron ĉe Jena, li iris plustudi al Göttingen en 1769, kie li fariĝis unu el la ĉefaj spiritoj en la urba "poeta ligo" ("Dichterbund") aŭ "arbareta ligo" ("Hainbund"). La poezia talento de Boie estis mezbona, sed lia funda scio pri literaturo, lia gusto kaj juĝo faris lin inspiro por aliaj.
Kun samideano li fondis en 1770 poezian almanakon nomata Musenalmanach, kiun li direktis kaj redaktis ĝis 1775, kiam, kune kun CW von Dohm (1751-1820), li eligis la periodaĵon Das Deutsches Museum, kiu fariĝis unu el la plej bonaj germanlingvaj literaturaj periodaĵoj tiutempaj. En 1776 Boie fariĝis sekretario de la ĉefkomandanto de la duklando Brunsvigo-Luneburgo en Hanovro, kaj en 1781 estis nomumita administranto (vokto) de la provinco suda Dithmarschen en Holstinio. Li mortis en Meldorf.
