International Music Score Library Project
La International Music Score Library Project (IMSLP) aŭ Projekto de Internacia Muzika Biblioteka Poentaro estas kolekto de liberaj (publika havaĵo) partituroj en interreto. Depost julio 2008 ĝi ankaŭ nomiĝas Petrucci-biblioteko dediĉe al Ottaviano Petrucci.
| International Music Score Library Project | |
|---|---|
| biblioteko | |
 | |
 Vikimedia Komunejo: IMSLP [+] |
|
| En TTT: Oficiala retejo [+] | |
Fondo, statistikoRedakti
IMSLP estis fondita de Edward W. Guo, muzikstudento de New England Conservatory of Music kaj funkcias - same kiel vikipedio - laŭ la viki-principo. Je la 16-a de februaro 2006 ĝi fariĝis rete alirebla, ĝis marto 2009 pli ol 19.000 verkoj (42.000 partituroj) de pli ol 2.500 komponistoj estis alŝutitaj. La projekto estas la plej granda interreta kolekto de liberaj kaj senkostaj muziknotoj.
EnhavoRedakti
- Laŭ kopirajto: IMSLP enhavas muziknotajn dokumentojn, kiuj ne plu havas kopirajtan protekton. Tio estas unue dokumentoj el publika havaĵo, sed ankaŭ komponaĵoj de nuntempaj komponistoj kun kre-komuna licenso.
- Laŭ formo: IMSLP enhavas ĉefe skanitajn muziknotajn dokumentojn - tiurilate ĝi kontrastas al alia muzikkolekto "Mutopia-projekto", kiu enhavas ekskluzive nove kompostitajn muzikverkojn. IMSLP estas interesa ankaŭ por muzik-historiistoj, ĉar ofte disponeblas pluraj, parte historiaj eldonoj de iu verko.
- Krom dispono de la muziknotoj IMSLP eksplizite deziras opiniojn kaj fakajn kontribuojn sur artikolspecifaj diskutpaĝoj kaj en interreta forumo.
- La plej granda tasko de IMSLP estas la ordigado kaj alŝuto de la kompleta Bach-verko laŭ Bach-Gesellschaft Ausgabe (1851-1899).
- Krom la verkoj de J.S. Bach, nuntempe en la retejo estas ĉiuj verkoj de la grandaj klasikaj komponistoj, aŭ granda procento de iliaj verkoj. Ĉi tiuj komponistoj inkluzivas: Beethoven, Mozart, Liszt, Brahms, Chopin, Berlioz, Wagner, Haydn, Corelli, Debussy, Mahler, Chausson, Dukas, Fauré, Felix Mendelssohn kaj Fanny Mendelssohn, Handel, Vivaldi, Pergolasi, Palestrina, Chaminade, Ravel, Satie, Ĉajkovski, Schubert, Robert Schumann kaj Clara Schumann, Skrjabin, Sibelius, Hindemith kaj multaj aliaj (ĉirkaŭ 9000 komponistoj).
- La imslp-biblioteko ankaŭ estas fonto de scio por muzikologoj, ĉar unu verko estas ligita al la modernaj eldonoj, ankaŭ eldonoj de historia graveco kaj originalaj manuskriptoj.
Kopirajta disputoRedakti
En oktobro 2007 la fondinto Guo devis provizore fermi la paĝaron, ĉar li ricevis juran ĉespostulon de Universal Edition Vieno, kiu opiniis sian kopirajton malrespektita.[1] Depost 30-a de junio 2008 la projekto reaperas kaj estas daŭrigata.
FontojRedakti
- ↑ Ken Clark (5-a de oktobro 2007) Letero de Universal Edition AG (angle). Arkivigite je 2007-10-23 per la retarkivo Wayback Machine
Eksteraj ligilojRedakti
- Ĉefpaĝo de IMSLP (angle)
- Forumo des IMSLP (angle)
- Kontribuo pri IMSLP en Radio DRS 2 Arkivigite je 2008-09-12 per la retarkivo Wayback Machine (germane)