Isadora Duncan
Isadora DUNCAN (ĝis 1894 kiel Angela DUNCAN) (naskiĝis la 26-an de majo 1877 en San Francisco, Kalifornio, Usono, mortis la 14-an de septembro 1927 en Nico, Francio) estis usona dancistino, kiu faris el la simpla dancado arton. Ŝi sukcesis ĉefe en Eŭropo.
| Isadora Duncan | |
|---|---|
| |
| Persona informo | |
| Naskiĝo | 26-an de majo 1877 en San-Francisko,  Kalifornio
|
| Morto | 14-an de septembro 1927 (50-jaraĝa) en Nico,  Tria Respubliko de Francio
|
| Tombo | Tombejo Père-Lachaise, 87 
|
| Lingvoj | angla |
| Ŝtataneco | Usono Sovetunio
|
Subskribo 
| |
| Familio | |
| Patro | Joseph Charles Duncan (en) 
|
| Patrino | Mary Dora Gray (en)
|
| Frat(in)oj | Raymond Duncan (en) , Augustin Duncan (en) kaj Elisabeth Duncan (en)
|
| Edz(in)o | Sergej Jesenin (1922–1923)
|
| Amkunulo | Jules Grandjouan (en) Paris Singer André Caplet (mul) Mercedes de Acosta Edward Gordon Craig (mul)
|
| Infanoj | Deirdre Craig (en) (  Edward Gordon Craig (mul) )Patrick Augustus Duncan (en) ( Paris Singer)
|
| Okupo | |
| Okupo | dancisto scenaristo baleta dancisto aŭtobiografo koreografo verkisto
|
Pro la modesta sukceso en Usono, ŝi elmigris en la aĝo de 21 kaj veturis per bruto-transporta ŝipo al Anglio. Ŝi dancis sen piedvestoj, ĉiam trarompis tabuojn kaj tial ĉiam okupis lokon sur la titolpaĝoj de la klaĉgazetoj.
La patro de ŝia unua infano estis Gordon Craig, tiu de la dua estis Paris Singer. Ŝin trafis tragedio en 1913, kiam la aŭtomobilo, en kiu veturis la du infanoj kaj la prizorgistino, falis en Sejnon. Ĉiuj mortis.
Ĉar ŝiaj turneoj ne estis tre sukcesaj, ŝi eklaboris en Moskvo, ĉar en 1920 ŝi ricevis inviton el la bolŝevisma Rusio. Tie ŝi konatiĝis kun kaj en 1922 edziniĝis al Sergej Jesenin, fama poeto. Ili veturis en Usonon, kie oni nomumis ilin bolŝevistaj agentoj; tial ŝi por ĉiam forlasis Usonon.
Jesenin revenis en Sovetunion kaj en 1925 mortigis sin.
Duncan vivis lastajn jarojn en la franca Riviero, kie trafis ŝin malbonŝanca tragedio. Dum aŭtoveturado ŝia longa silka skarpo implikiĝis en la malantaŭa rado de la aŭtomobilo kaj sufokis ŝin.