Jack Layton
John Gilbert (Jack) LAYTON (la 18-an de julio 1950 - la 22-an de aŭgusto 2011) estis kanada politikisto. De 2003 ĝis 2011, li estis partiestro de la Nov-Demokratia Partio (angle New Democratic Party of Canada, mallongigita NDP).
Vivo
redaktiLayton naskiĝis en franclingva Montrealo en anglolingvan familion. Li studis politikan sciencon en Universitatao McGill kaj translokiĝis al Toronto en 1970 kie li instruis en Universitato Ryerson. Li komencis sian politikan karieron en 1982 kiam li estis elektita al la Toronta Urba Konsilio kie li iĝis unu el la gvidantoj de la maldekstremaj frakcioj.
En 2003, Layton kuris por gvidado de la NDP kaj jam gajnis plimulton dum la unua baloto. Jaron poste, li estis elektita al la Kanada Ĉambro de Reprezentantoj en la Toronto-Danforth distrikto. Dum la malplimulta registaro de liberala ĉefministro Paul Martin, Layton komence promesis subtenon al la registaro dum la tielnomita Sponsorship Scandal en interŝanĝo por liberalaj koncedoj al la deziroj de la NDP en la debato pri la ŝtata buĝeto. Tamen, malfrue en 2005, Layton reprenis sian subtenon kaj subtenis malkonfidan voĉdonon de konservativa opoziciestro Stephen Harper. En la balotoj de januaro 2006, kiam la registaro transis de la liberaloj al la konservativoj, la partio de Layton gajnis nur dek sidlokojn.
Grava sukceso okazis en majo 2011 kiam la NDP gajnis 103 sidlokojn en rapidaj balotoj kaj iĝis la oficiala opozicia partio en la ĉambro de reprezentantoj. La venko estis plejparte ebligita per sukceso en Kebekio, de kie pli ol duono de la voĉdonado venis. Li forpasis tri monatojn post ĉi tiuj balotoj post mallonga malsano.
Elektitaj verkaĵoj
redakti- Layton, Jack (2000). Homelessness: The Making and Unmaking of a Crisis. Toronto: Penguin. ISBN 978-0-14-028888-9. OCLC 45045233.
- Speaking Out: Ideas that Work For Canadians. (2004) Toronto: Key Porter Books.. ISBN 978-1-55263-577-3. OCLC 53963558.
- Speaking Out Louder: Ideas that Work For Canadians. (2006) Toronto: Key Porter Books.. ISBN 978-1-55263-688-6. OCLC 62346602. (revised and expanded edition of Speaking Out: Ideas that Work For Canadians)