Toronto

Toronto (angle Toronto [to-RON-to], loka prononco [TRA-na]), la plej granda urbo de Kanado, situas ĉe la norda bordo de Lago Ontario. La urbo Toronto, 622 km², havas ĉirkaŭ 3 500 000 loĝantojn. Kaj la Greater Toronto Area (GTA), granda regiono de Toronto, vastas je 5 868 km² kaj enhavas ĉirkaŭ 5 500 000 loĝantojn. La Municipo de Metropola Toronto, formita en 1954, estis la unua unuigo de metropola regado en Nordameriko. Ĝi estas parto de la Megalopolo Grandaj Lagoj.

Panorama vido de la urbocentro de Toronto je septembro 2009

Toronto
angle City of Toronto
urbo
Oficiala nomo: Toronto
Moto: "Diversity Our Strength"
Kromnomo: T.O., T.Dot
Ŝtato	Kanado
Provinco	Ontario
Historia regiono	Supra Kanado
Situo	Toronto
- alteco	76 m s. m.
Areo	630,0 km² (63 000 ha)
- de aglomeraĵo	7 125,0 km² (712 500 ha)
- de metropolo	1 749,0 km² (174 900 ha)
Loĝantaro	2 615 060 (2011)
- de aglomeraĵo	5 132 794
- de metropolo	5 583 064
Denseco	4 150,89 loĝ./km²
- de aglomeraĵo	720 loĝ./km²
- de metropolo	3 192 loĝ./km²
Lago	Ontario
Fondita	27-an de aŭgusto 1793
- korporaciiĝinta	6-an de marto 1834
Urbestro	John Tory
Horzono	UTC (UTC-5)
- somera tempo	UTC (UTC-4)
Poŝtkodo	M
Telefona antaŭkodo	+1-416 kaj +1-647
Vikimedia Komunejo: Toronto
Retpaĝo: www.toronto.ca

Toronto
Flago	Blazono
Administrado
Poŝtkodo	M [+]
En TTT	Oficiala retejo [+]
Demografio
Loĝantaro	2 731 571  (2016) [+]
Loĝdenso	4 334 loĝ./km²
Geografio
Geografia situo	43° 40′ N, 79° 23′ U (mapo)43.670277777778-79.386666666667 [+]
Alto	76 m [+]
Areo	630,21 km² (63 021 ha) [+]
Horzono	orienta horzono de Nordameriko (UTC-5) [+]
DEC Situo de Toronto
Alia projekto
Vikimedia Komunejo Toronto [+]

Panoramo de Toronto nokte, meze estas CN tower, la eksa plejalta memstare staranta konstruaĵo de la mondo

Toronto estas verŝajne indiĝena nomo kiu signifas "Kunvenejo". La francoj estigis Fortikaĵon Rouillé, sed ili bruligis la fortikaĵon dum la milito en 1759. La britoj komencis loĝi tie en 1793, kaj nomis la lokon York. Kiam York urbiĝis en 1834, John Graves Simcoe renomis ĝin Toronto. (Pli longan historion)

La registaro de Ontario estas ĉe Queen's Park (Reĝina Parko) en Toronto.

Toronto estas grava financa centro de Kanado. La Toronta Borso estas en la strato Bay, kaj staras multaj altaj bankaj kaj komercaj nubskrapuloj en la centro de la urbo. La CN (Kanada Nacia) Turo estas gvidosigno kaj simbolo de Toronto. La turo konstruiĝis je 1976 por solvi la komunikadajn problemojn kaŭzitajn de la aliaj ĉielskrapuloj en la urbocentro. La CN-turo estas 553 metrojn alta kaj estis la plej alta liberstaranta konstruaĵo en la mondo ĝis la konstruo de Burĝ Ĥalifa; ĝi ankoraŭ estas la plej alta turo en la mondo. La turistoj povas atingi la observejon je 447 metroj (aŭ 1465 futoj). Apud la CN-turo estas la Skydome, granda sportejo sub fermebla "ĉielkupolo".

Toronto estas ankaŭ granda kultura centro. Multaj diversaj etnoj loĝas en la granda regiono de Toronto: proksimume 335 000 ĉinoj, 222 000 sudazianoj, 275 000 afrikanoj, 250 000 judoj, kaj 72 000 mezorientanoj. En la urbo oni povas aŭdi multajn lingvojn el la tuta mondo, ĉefe la anglan, ĉinan (ĉefe kantonan), italan kaj portugalan. Loka radio-stacio CHIN disaŭdigas elsendojn en 32 lingvoj. Estas tre multaj teatroj kaj etnaj restoracioj en Toronto.

Historio

La Batalo de Jorko okazis la 27an de Aprilo, 1813, en Jorko (nuntempa Toronto), ĉefurbo de la kolonia provinco Supra Kanado (nuntempa Ontario), dum la Milito de 1812 inter usonanoj kaj britoj.

Vidindaĵoj

Viadukto Princo Eduardo

La turistoj povas viziti la Reĝan Muzeon de Ontario kun 5 milionoj da objektoj, la Ontarian Scienco-Centron, kaj la Torontan Zoon, kun 5.000 bestoj. Somere, Toronto havas interesan havenon, insulon kaj ekspoziciejon. Vizito al vera kanada kastelo Casa Loma povus interesi.

La Viadukto Princo Eduardo, komune aludita kiel Viadukto Bloor, estas la nomo de ĵaluzia arkoponto en Toronto, kiu konektas la orienton de la strato Bloor, ĉe la okcidenta flanko de la pontosistemo, kun Danforth Avenue oriente.

La CN Tower (esperante: KN Turo; france CN Tour) estas telekomunikila turo kiu estis la plej alta liber-stara (sen subteniloj) strukturo en la mondo inter la jaroj 1976 kaj 2007, kiam la Burĝ Ĥalifa superpasis ĝian altecon.

La Placo Yonge–Dundas estas publika placo ĉe la sudorienta angulo de la intersekcio de stratoj Yonge kaj Dundas en la centra parto de Toronto.

Eventoj

• Internacia filmfestivalo de Toronto

Famuloj de Toronto

• Muzika grupo Barenaked Ladies
• John Candy (de la televidaj serioj "SCTV" kaj "Saturday Night Live" kaj multaj filmoj)
• Jim Carrey (de la filmoj "The Mask", "Bruce Almighty")
• Brooke D’Orsay, aktorino
• Dave Foley (de la televido-rezulto "Kids in the Hall")
• Alwyn Hamilton
• Eric McCormack (de la televido-serio "Will & Grace")
• Mike Myers (de la filmoj Austin Powers kaj Wayne's World)
• Christopher Plummer, aktoro

Mortintoj en Toronto

• Róbert Antal, hungara akvopilkisto
• László Bozó (reĝisoro) kaj László Cserépy (hungaroj)
• József Juhász (aktoro) (hungaro)
• Tibor Polgár, hungara komponisto
• Ilona Nagykovácsi, hungara kantisto
• Dóra Pédery-Hunt, hungara medalisto
• Géza Kresz (violonisto) hungara violonisto

Esperanto-movado

Vigla Esperanto-klubo — Esperanto-Toronto — renkontiĝas ĉiusemajne, kaj estas gastiganto de Pasporta Servo tie.

Ĝemelaj urboj

Partner-Urboj

Ĉikago, (Ilinojo, Usono) Frankfurto (Germanio) Milano (Italio) Chongqing (Ĉinio)

Amikec-Urboj

• Varsovio (Pollando)
• Amsterdamo (Nederlando)
• Sagamihara (Japanio)
• Kievo (Ukrainio)
• Kito (Ekvadoro)
• Ho-Chi-Minh-Urbo (Vjetnamio)

Provincaj kaj teritoriaj ĉefurboj de Kanado

Distriktoj kaj Municipoj de Ontario