Jacques Necker
Jacques NECKER (prononcu [neker]) estis svisa financisto kaj politikisto de la 18-a jarcento. Li naskiĝis en Ĝenevo la 30-an de septembro 1732 kaj mortis en Coppet (Svislando) la 9-an de aprilo 1804.
Necker fariĝis trifoje la ministro pri financoj de la franca reĝo Ludoviko la 16-a : en 1776, en 1788 kaj en 1789. Li estas cetere la patro de Anne-Louise Germaine Necker, baronino de Staël-Holstein kaj plikonata kiel la fama franca verkistino Madame de Staël.
