Malfermi la ĉefan menuon

Won Kenn

(Alidirektita el Kenn Won)


Won KENN (naskiĝis en 1897[1]1900[2] en Kantono) estis ĉina doktoro de beletristiko kaj universitata profesoro.[2]

Won Kenn
Persona informo
Naskiĝo 1-an de januaro 1900 (1900-01-01) (119-jara)
Lingvoj Esperanto
Ŝtataneco Ĉina Popola Respubliko
Profesio
Profesio esperantisto
Information icon.svg
vdr

BiografioRedakti

Kenn esperantistiĝis antaŭ la Unua Mondmilito.[2] En Kantono li studis kaj poste instruis en la Provinca Supera Lernejo de Leĝoscienco. Lia kariero estis precipe ĵurnalista kaj Kenn vojaĝis tra la Malaja Duoninsulo, Birmo, Hindoĉinio, la Japana Insularo kaj la tiame nomata Formoso kiel korespondanto de grandaj ĉinaj gazetoj.[1]

En 1921 Kenn studis en Liono, Francio. Kiel delegito de la ĉina Esperanto-movado li estis sendita al la Internacia Edukista Konferenco en Ĝenevo, 1922, al la Internacia Komerca Konferenco en Venecio, 1923 kaj al la Internacia Radia Konferenco en Parizo, 1925. Li partoprenis en la Universalaj Kongresoj en Vieno kaj Ĝenevo, kaj ĉeestis kvin landajn Esperanto-kongresojn en Eŭropo. Krome li estis sembro kaj konsilanto de Internacia Centra Komitato, membro de la Lingva Komitato, kaj preleganto de la Somera Universitato en Ĝenevo. Artikoloj de li aperis en diversaj gazetoj. Ekde la jaro 1926 li estis direktoro de Esperanto-Instituto en Kantono. Kun samideanoj Wu, Hsu, Sinpak Au kaj aliaj li gvidis la Esperanto-movadon en Kantono. Aldone li estis ĉefkunlaboranto de la Enciklopedio de Esperanto, eldonita en 1934.[2]

ReferencojRedakti

  1. 1,0 1,1 (1924) “W. Kenn”, Esperanto (1), p. 6. 
  2. 2,0 2,1 2,2 2,3