Kestenholz

Tiu ĉi artikolo temas pri la komunumo Kestenholz en Svislando. Pri la komunumo Kestenholz (Alzaco) vidu tie.

Kestenholz
Blazono de Kestenholz
Kestenholz
komunumo en Svislando
Kantono	Soloturno
Distrikto	Gäu
Koordinatoj	47° 17′ 0″ N 7° 45′ 15″ O (mapo)
Nombro de loĝantoj	1662
Areo	8,59 km²
Alteco	450 m super marnivelo
Poŝtkodo	4703
Komunumkodo	2403
Mapo de Kestenholz

Pri la komunumo

Kestenholz estas komunumo en la distrikto Gäu en Kantono Soloturno, Svislando. Ĝi havis 1662 loĝantojn je la 31-a de decembro 2010.

Geografio

La komunumo situas ĉe la suda flanko de la ebenaĵo de la rivero Dünnern sude de la Soloturna Ĵuraso. Sudoriente de la komunumo leviĝas la arbara monteto Chilchban, kies kulmino sur 518 m s.m. estas la plej alta punkto de la komunumo. Al la komunumo apartenas la setlejoj Unterdorf, Oberdorf, Rain kaj Chöpfli.

Najbaraj komunumoj

La komunumo Kestenholz limas en nordo al Oberbuchsiten, en nordoriento al Niederbuchsiten, en oriento al Wolfwil, en sudoriento al Schwarzhäusern (BE), en sudokcidento al Niederbipp (BE), kaj en okcidento al Oensingen.

Trafiko

Tra Kestenholz pasas la kantona vojo n-ro 268 de Oensingen al Härkingen, de kiu en Kestenholz deflankiĝas la kantona vojo n-ro 268.1 al Olten. Norde de la komunumo pasas la svisa aŭtovojo A1, al kiu la komunumo havas alvetureblon en Oensingen, proksimume 2 kilometrojn nordoriente de la vilaĝa centro. Al la publika transportreto la komunumo estas konektita per buslinioj al Olten, Oensingen kaj Wolfwil.

Norde de la komunumo dum la 20-a jarcento ekzistis armea aerodromo. Sur la tereno de la iama armea aerodromo de Kestenholz nuntempe okazas renkontiĝo de malnovtempaj aviadiloj.

Historio

La unua dokumenta mencio de Kestenholz datiĝas el la jaro 1280 kiel Im Kestenholtz. Dum mezepoko Kestenholz estis kun la cetere kampargrafejo Buchsgau sub la regado de la Princepiskopejo Bazelo. En la jaro 1556 setlejo kun sep domoj estis disigita de la paroĥo Oensingen kaj ligita kun la paroĥo Oberkappel. Ek de tiam por la setlejo estis uzata nur ankoraŭ la nomo Kestenholz. La senjoraj rajtoj pri Kestenholz transiris de la Grafoj de Frohburg kaj ties heredantoj al la Baronoj de Grünenberg kaj en la jaro 1416 al Berno kaj Soloturno. En la jaro 1463 Soloturno akiris la kompletan posedon kaj regadon sole.

Eksteraj ligiloj

• Oficiala retejo de la komunumo Kestenholz
• Retejo pri la renkontiĝo de malnovtempaj aviadiloj en Kestenholz Arkivigite je 2011-12-01 per la retarkivo Wayback Machine
• Kestenholz en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Kestenholz – (Kolekto de bildoj kaj plurmediaj dosieroj)