László Rajk (arkitekto)

László Rajk [lAslO], laŭ hungarlingve kutima nomordo Rajk László estis hungara arkitekto, dekoraciisto, politikisto, altlerneja instruisto. Lia patro estis la samnoma László Rajk.

László Rajk
Persona informo
Naskiĝo	26-an de januaro 1949 (1949-01-26) en Budapeŝto
Morto	11-an de septembro 2019 (2019-09-11) (70-jaraĝa) en Budapeŝto
Tombo	Malnova tombejo de Budapeŝto
Lingvoj	hungara • angla • franca
Ŝtataneco	Hungario
Alma mater	Universitato McGill (1975–1976) Teknika kaj Ekonomia Universitato de Budapeŝto (1967–1972)
Memorigilo
Familio
Patro	László Rajk
Patrino	Júlia Rajk (en)
Edz(in)o	Judit Rajk (en)
Okupo
Okupo	arkitekto politikisto
TTT
Retejo	http://www.rajk.hu/

László Rajk naskiĝis la 26-an de januaro 1949 en Budapeŝto, li mortis la 11-an de septembro 2019 en Budapeŝto.

László Rajk en 2009

Biografio

Lia patro estis pendumita, antaŭ ol la pli juna László Rajk plenumis unu jaron, poste li estis edukita kelkajn jarojn en orfejo. Post falo de la Hungara revolucio de 1956 (kiel infano) li estis deportita al Rumanio kun Imre Nagy (politikisto) kaj aliaj. Li akiris arkitekturan diplomon en Teknikuniversitato de Budapeŝto en 1972. Post la diplomo li laboris en ŝtata arkitektura entrepreno. Li aliĝis al la malpermesita opozicio (komprenu: kontraŭsocialistoj). En la jaroj 1975 kaj 1976 li plustudis en Universitato McGill, kie li akiris majstran diplomon, poste similan diplomon en la Teknikuniversitato (1978-1981). Ekde 1980 li oficiale ne povis labori, nur sub pseŭdonimoj. En 1981 hejme li establis eldonejon pri malpermesitaj kontraŭsocialismaj eldonaĵoj. Post 2 jaroj la ŝtato forprenis la loĝejon kaj forigis lin. Depost kolapso de la socialismo li estis parlamenta deputito inter 1990-1996, poste li abdikis pro la oftaj koruptoj. Ekde 1992 li instruis en Teatroarta Altlernejo. En 1995 li fondis propran entrperenon. En 2005 li akiris sciencan gradon DLA. Li ricevis premion Kossuth en 2009, ekde 1993 ankaŭ aliajn, eĉ eksterlandajn premiojn.

Merkato en Angyalföld fare de Rajk

Hungara kolegio en Vieno fare de Rajk

Elektitaj planitaj konstruaĵoj

• laborista hotelo, Budapeŝto, (1978)
• uzino, Siófok, (1981)
• rekonstruado de hungara kolegio, Vieno (kunarkitekto, 1998)
• merkato en Angyalföld (2002)
• muzeo, Budapeŝto, (2008)

Elektitaj ekspozicioj

• Budapeŝto (1977, 1984, 2019)
• Pécs (1993)
• Parizo, Londono (2000)

Elektitaj filmaj dekoracioj

• Megáll az idő (1981)
• Holocaust Magyarországon (1994)
• A londoni férfi (2007)
• Saul fia (2015)

Elektitaj teatraj dekoracioj

• Georges Feydeau: Zsákbamacska (Nacia Teatro (Győr), (1977)
• Franz Kafka: A per (Nacia Teatro (Pécs), (1979)
• Franz Kafka: A kastély (Teatro Szigligeti (Szolnok) (1989)
• Samuel Beckett: Végjáték (Budapeŝto) (1997)

Elektitaj libroj

• Földalatti vonalak (2000)
• Réteges építészet / Stratified architecture (2005)
• A tér tágassága (életútinterjú) (2019)

Fontoj

• hungarlingva biografio
• hungarlingva biografio Arkivigite je 2021-01-27 per la retarkivo Wayback Machine