Lantsch/Lenz
| Lantsch/Lenz | |
|---|---|
 | |
 | |
| komunumo en Svislando | |
| Kantono | Grizono |
| Distrikto | Albulo |
| Komunumaro | Belfort |
| Koordinatoj | 46° 41′ 6″ N 9° 33′ 54″ O / 46.68500 °N, 9.56500 °O (mapo)Koordinatoj: 46° 41′ 6″ N 9° 33′ 54″ O / 46.68500 °N, 9.56500 °O (mapo) |
| Nombro de loĝantoj | 529 |
| Areo | 21,81 km² |
| Alteco | 1328 m super marnivelo |
| Poŝtkodo | 7083 |
| Komunumkodo | 3513 |
 | |
Pri la komunumo redakti
Lantsch/Lenz estas urbo kaj komunumo de la komunumaro Belfort kaj la distrikto Albulo en Kantono Grizono, Svislando. Ĝi havis 529 loĝantojn je la 31-a de decembro 2009.
Geografio redakti
Lantsch/Lenz situas sur suna teraso 500 metrojn super la Albulovalo ĉe ties norda flanko.
Najbaraj komunumoj redakti
La komunumo Lantsch/Lenz limas en nordo al Arosa, en nordoriento al Alvaneu, en sudoriento al Brienz/Brinzauls, en sudokcidento al Alvaschein, kaj en okcidento al Vaz/Obervaz.
Nomo kaj lingvoj redakti
Lantsch/Lenz estas dulingva formo por emfazi la dulingvecon de la komunumo. Lantsch (prononcu lanĉ) estas la romanĉa formo kaj Lenz (prononcu lenc) la germana. Komence de la 20-a jarcento preskaŭ la tuta loĝantaro parolis la romanĉan, kaj ankoraŭ en la jaro 1980 la romanĉlingvanoj estis 60,21% de la loĝantaro. Okaze de la lasta popolnombrado de la jaro 2000 nur ankoraŭ 36,70 % de la loĝantoj parolis la romanĉan, dum la germanlingvanoj kun 54,23% nun estas la absoluta plimulto.
Trafiko redakti
Lantsch/Lenz situas ĉe la kantona ĉefvojo n-ro 3 de Koiro tra Tiefencastel al la Juliopasejo. Sur tiu vojo cirkulas la poŝtaŭtolinio de Lenzerheide al Davos, per kiu la komunumo estas konektita al la publika transportreto.
Historio redakti
La unua dokumenta mencio de Lantsch/Lenz en la imperia urbaro datiĝas el la jaro 831 kiel Lanzes.
Oni trovis en Lantsch/Lenz ruinojn kaj objektojn el la frua ferepoko kaj la romia tempo, kiuj indikas, ke la loko jam frue estis loĝata.
En la 12-a jarcento Lantsch/Lenz apartenis al la Senjoroj de Belfort. Kiel parto de la tribunalo Belfort Lantsch/Lenz fariĝis en la jaro 1338 posedaĵo de la Grafoj de Togenburgo. Ek de 1436 ĝis la jaro 1850 Lantsch/Lenz estis membro de la Dektribunala Federacio. Ek de 1851 Lantsch/Lenz estas komunumo de la komunumaro Belfort en la distrikto Albulo. [1]
Notoj kaj referencoj redakti
Eksteraj ligiloj redakti
- Vidu ankaŭ en la Vikimedia Komunejo la kategorion Lantsch/Lenz – (Kolekto de bildoj kaj plurmediaj dosieroj)