Litova gimnazio Hüttenfeld
La privata litova gimnazio en Hüttenfeld (urbodistrikto de Lampertheim en suda Hesio, inter Darmstadt kaj Frankfurto ĉe Majno norde kaj Hejdelbergo kaj Mannheim sude, litove formale Vasario 16-osios gimnazija, gimnazio "16-a de februaro" pro la deklaro de Sendependo de Litovio tiutaga) estas la nura agnoskita Litova lernejo en Okcidenteŭropo. Ĝi estis fondita de la Litova Komunumo en Germanio komence de la 1950-aj jaroj kiam Litovio estis okupita de la Sovetunio.
| Litova gimnazio Hüttenfeld | ||
|---|---|---|
| ||
| gimnazio en Germanio | ||
| Komenco | 1950 vd | |
| Geografia situo | 49° 35′ 54″ N, 8° 35′ 17″ O (mapo)49.59848.5881Koordinatoj: 49° 35′ 54″ N, 8° 35′ 17″ O (mapo) | |
| Lando(j) | Germanio vd | |
| Situo | Lampertheim | |
| Adreso | Lorscher Straße 1 | |
| ||
 Litova gimnazio Hüttenfeld | ||
| Retejo | Oficiala retejo | |
Historio redakti
En 1950, litovaj rifuĝintoj fondis sian propran mezlernejon en Diepholz, kiu translokiĝis al Hüttenfeld en 1954. La Litova Nacia Komunumo akiris Kastelon Rennhof por la lernejo. Antaŭ tio, de 1946 ĝis 1949, ekzistis litova bazlernejo por litovoj, kiuj fuĝis en la antaŭa baroka monaĥejo Rebdorf en Eichstätt, Bavario, kiu funkciis kiel tutaĵo kiel rifuĝejo por baltoj. Dum la Malvarma Milito la litova gimnazio akceptis studentojn de litova origino el la tuta mondo en la aligita loĝlernejo, aparte el Usono, Kanado kaj Aŭstralio. La lernejo iĝis centro por ekzilitaj litovoj.
Post la Kantanta Revolucio en 1990, kiuj markis la ŝtatan reakiron de Sendependeco de Litovio, la gimnazio perdis iom da sia graveco, sed, male al la Latva gimnazio en Münster, ĝi povis vivteni sin pro la daŭre forta subteno de litovaj familioj en Germanio. Lernantoj de litova deveno en eksterlando, el Litovio mem kaj ankaŭ germanaj lernantoj uzas la eblecon de dulingvaj lecionoj. La klasoj estas instruataj en la litova kaj germana lingvoj, kaj ekzistas kontinuaj komunaj programoj kun la tri tradiciaj gimnazioj de Bensheim kaj Heppenheim (gimnazioj Goethe, AKG kaj Starkenburg) interalie por lernejanoj de aparte alta intelekto.
Ekde la somero de 2015, la litova gimnazio eniĝis en neformala kunlaboro kun la Universitato de Muziko kaj Prezentartoj Mannheim – Akademio de Danco – por akcepti baletstudentojn de la akademio en la internulejo de la litova gimnazio. La baletstudentoj ankaŭ povas iĝi gimnazianoj. En la lerneja jaro 2015/2016, la unuaj tri baletstudentoj - ĉiuj tri el Sud-Koreio - estis akceptitaj en la Litova Gimnazio.
La estraro kaj plej alta jura organo de la lernejo estas la kuratoraro de la komunutila subtena asocio Litova Gimnazio e.V. (el nuntempe dek unu membroj). Laŭ sia statuto, la kuratoraro konsistas el delegitoj de diversaj institucioj: La kuratorara estraro konsistas el reprezentantoj de la Centra Konsilio kaj la Estraro de Direktoroj de la Litova Komunumo en Germanio, la rajtigitaj reprezentantoj de la Eklezio por la pastoreca prizorgada de la katolikaj litovoj en Germanio, la Litova Evangelia-Lutera Eklezio en Germanio kaj reprezentantoj de la Ministerio de Edukado kaj Scienco de la Respubliko de Litovio. Laŭ la statutoj, la Lernejestro ankaŭ estas membro de la Estraro de Kuratoraro pro sia oficejo. Tripersona estraro respondecas pri la rekta administrado.